Dinamalar

காலா-வை தடை செய்ய இவர்கள் யார் ? - பிரகாஷ் ராஜ்

காவிரி விவகாரத்தில் ரஜினி கூறிய கருத்திற்கு எதிர்ப்பு தெரிவித்து, அவரின் காலா படத்தை திரையிட தடை விதித்திருக்கிறது கர்நாடகா திரைப்பட வர்த்தக சபை. இதுப்பற்றி டுவிட்டரில் கருத்து தெரிவித்துள்ள நடிகர் பிரகாஷ்ராஜ்,

மனிதனுக்கும் ஆற்றுக்கும் நெருங்கிய தொடர்பு உள்ளது. இதனால் தான் காவிரி விவகாரத்தில் உணர்ச்சிவசப்பட்டு பேசிவிடுகிறோம். இந்த விவகாரத்தில் இருமாநில மக்களின் உணர்வுகளும் இப்படித்தான் இருக்கும். இருமாநில அரசுகளும், சட்ட வல்லுநர்களும் இணைந்து நமது விவசாய பிரச்னைகளை புரிந்து கொள்ள வேண்டும்.

இந்தச்சூழலில் காலா படத்தை திரையிடாமல் தடுப்பதால் நாம் என்ன செய்ய போகிறோம். ரஜினி கூறிய கருத்து நம்மை பாதித்துள்ளது உண்மைதான், ஒப்புக்கொள்கிறேன். இதற்கு எதிர்ப்பு தெரிவிக்கிறேன் என்று சில அமைப்புகள் கூறி வருகின்றன. இதுதான் கன்னட மக்களான நாம் வேண்டுவதா?

ஒருவேளை படம் வெளியாகி அதை மக்கள் புறக்கணித்தால் அப்போ தெரியும் மக்கள் என்ன நினைக்கிறார்கள் என்று. ஆனால், மக்கள் சார்பாக இதுபோன்ற சமூகவிரோதிகள் தீர்மானிக்கிறார்கள் நமக்கு எதுவும் தெரிந்துவிடக் கூடாதென்று.

மக்களுக்கு இது வேண்டும்; இது வேண்டாம் என முடிவு செய்ய இவர்கள் யார்? நடிகர் கூறிய கருத்துக்கு எந்தத் தொடர்பும் இல்லாத தயாரிப்பாளரின் முதலீடு என்னாவது? படத்தில் பணியாற்றிய தொழிலாளர்களில் இருந்து விநியோகஸ்தர்கள், தியேட்டர்காரர்கள், போஸ்டர் ஒட்டும் நபர் என திரைப்படம், மற்றும் அதை சார்ந்தவர்களின் வாழ்வாதாரத்தை பற்றியும் சந்திக்க வேண்டும்.

வாகனங்கள் எரிப்பு, பொருள்களை சேதப்படுத்துவது என வன்முறைகள் நீண்டால் இருமாநில மக்களிடையேயான நல்லிணக்கம் குலைந்துபோகும். நமது உணர்ச்சிகளைத் தவறாகப் பயன்படுத்திக்கொண்ட பின்னர், இந்தச் சமூக விரோதிகள் எங்கு செல்வார்கள்? இறுதியில் நாமே காயமடைந்து, அந்த காயத்துடன் வாழ வேண்டியிருக்கும்.

இவ்வாறு பிரகாஷ் ராஜ் கூறியுள்ளார்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  புஷ்கர் - காயத்ரி அடுத்த படத்தில் சிவகார்த்திகேயன்?
• 
  செல்வராகவன் நடிக்கும் புதிய பட அறிவிப்பு!
• 
  பைசன் படம் குறித்து இயக்குனர் ராம் வெளியிட்ட தகவல்
• 
  ஒர்க் அவுட்டின்போது டிரெண்டிங் பாடலுக்கு நடனமாடிய மிருணாள் தாக்கூர்
• 
  ஓடிடியில் வெளியான கமலின் தக் லைப்