Dinamalar

மிக ஆரோக்கியமாக உள்ளேன் : பி.வாசு

பேஸ்புக், டுவிட்டர், வாட்ஸ்-அப் போன்ற சமூக வலைதளங்கள் வந்த பின்னர், அதில் பொய்யான பல விஷயங்கள் பகிரப்பட்டு வருகின்றன. அதிலும் பிரபலங்களை பற்றி சில தவறான செய்திகள் அவ்வப்போது வெளியாகின்றன.

தமிழ் சினிமாவில் ஏராளமான வெற்றி படங்களை கொடுத்தவர் இயக்குநர் பி.வாசு. இவர் இறந்துவிட்டதாக விஷமிகள் சிலர், சமூக வலைதளங்களில் தவறான செய்தியை பகிர்ந்துள்ளனர். இதையடுத்து பி.வாசு என்னவாயிற்று, ஏதுவாயிற்று என்று அவரை நோக்கி போன் கால்கள் பறக்க, நான் நலமுடன் இருக்கிறேன் என்று ஒவ்வொருவருக்கும் சொல்லியிருக்கிறார்.

இதுதொடர்பாக பி.வாசுவே வெளியிட்ட வீடியோ விபரம் வருமாறு.... என் மீது அன்பு வைத்திருக்கும் அத்தனை உள்ளங்களுக்கும் வணக்கம். என்னைப்பற்றிய வதந்தியை நானே கேள்விப்பட்டேன். எனக்கே வாட்ஸ் அப் வந்தது. நான் ஜிம்முக்கு போய்விட்டு, வாக்கிங் முடிந்து வந்தேன். அப்போது தான் இந்த செய்தி வந்தது. என்ன சொல்வது என்றே தெரியவில்லை, எனக்கு சிரிப்பு தான் வந்தது. ஆனால் எவ்வளவு பேர் என் மீது அன்பு வைத்திருக்கிறார்கள் என்று புரிந்து கொண்டேன். அவர்கள் அனைவருக்கும் என் நன்றி. நான் நலமாக, மிகவும் நலமாக உள்ளேன், ஆரோக்கியமாக உள்ளேன். இந்தாண்டு மூன்று படங்கள் இயக்க உள்ளேன். உங்கள் அனைவருக்கும் மீண்டும் ஒரு முறை நன்றி சொல்கிறேன்.
இவ்வாறு அவர் கூறியுள்ளார்.

• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...

• 
  பிளாஷ்பேக் : டைட்டில் போட்டியில் ரஜினிகாந்த், ஸ்ரீகாந்த்
• 
  பிளாஷ்பேக்: பாலிவுட் படத்தில் நடித்த ஜெமினி கணேசன்
• 
  ருக்மணி வசந்த்தை கவர்ந்த 10 விஷயங்கள்
• 
  தமிழில் தடுமாறும் கதாநாயகியரின் படங்கள்….
• 
  டிசம்பரில் ஓடிடிக்கு வரும் ராஷ்மிகாவின் இரண்டு படங்கள்