Dinamalar

புதிய தயாரிப்பு நிறுவனம் ஆரம்பிக்கும் சூர்யா

தமிழ் சினிமாவில் முன்னணி நடிகர்களில் ஒருவராக இருப்பவர் சூர்யா. அவரது மனைவி நடிகை ஜோதிகாவுடன் இணைந்து '2 டி என்டர்டெயின்மென்ட்' என்ற தயாரிப்பு நிறுவனத்தை ஏற்கெனவே நடத்தி வருகிறார். அது மட்டுமல்லாது அவரது உறவினர்கள் சிலரும் தனித் தனியாக தயாரிப்பு நிறுவனங்களை நடத்தி வருகிறார்கள். அவற்றிலும் சூர்யா குடும்பத்தினரின் பங்கு இருக்கிறது என்று சொல்லப்படுகிறது. அப்பட நிறுவனங்கள் தயாரிக்கும் படங்களில் மட்டும்தான் சமீப காலங்களில் சூர்யா, கார்த்தி ஆகியோர் நடித்து வருகிறார்கள்.

இந்நிலையில் புதிதாக ஒரு தயாரிப்பு நிறுவனத்தை சூர்யா ஆரம்பிக்க உள்ளதாகத் தெரிகிறது. 'ழகரம் ஸ்டுடியோஸ்' என்ற பெயரில் அந்த நிறுவனம் ஏற்கெனவே பதிவு செய்யப்பட்டுள்ளதாகச் சொல்கிறார்கள். அதன் முதல் தயாரிப்பாக மலையாள இயக்குனர் ஜீத்து மாதவன் இயக்க உள்ள படமும், இரண்டாவது தயாரிப்பாக பா ரஞ்சித் இயக்க உள்ள படமும் தயாராகும் எனத் தெரிகிறது. இரண்டு படங்களிலும் சூர்யா தான் கதாநாயகனாக நடிக்க உள்ளார்.

சூர்யா தற்போது தெலுங்கு இயக்குனர் வெங்கி அட்லூரி இயக்கத்தில் தன்னுடைய 46வது படத்தில் நடித்து வருகிறார். அந்தப் படத்தை முடித்ததும் மேலே குறிப்பிட்ட படங்கள் அடுத்தடுத்து நடக்கும் எனத் தெரிகிறது. 'வாடிவாசல்' படம் எப்போது ஆரம்பமாகும் என்பது தொடர் கேள்வியாகவே உள்ளது.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு
• 
  ஏஐ தொழில்நுட்பத்தில் இரட்டை வேடங்களில் நடிக்கும் சன்னி லியோன்
• 
  50 ஆண்டுகளுக்குப் பிறகு ஒரிஜினல் கிளைமாக்ஸ் உடன் சர்வதேச திரைப்பட ...

• 
  சினிமாவிற்கு மொழி கிடையாது, தமிழிலும் நடிக்க ஆசைப்படும் பாக்யஸ்ரீ போர்ஸ்
• 
  சட்டப்படி பிரிந்தனர் : ஜிவி பிரகாஷ், சைந்தவிக்கு விவாகரத்து வழங்கியது ...
• 
  ஓவியா எங்கே? ஓவியாவுக்கு என்னாச்சு?
• 
  பிரபாஸ் படத்தில் இணையும் பிரேமம் பட நாயகி
• 
  இட்லி கடை, காந்தாரா 2 ஜெயிப்பது யார்?