Dinamalar

முன்னோட்ட வீடியோவுடன் வருகிறது சிம்பு - வெற்றிமாறன் பட அறிவிப்பு

'தக் லைப்' படம் வெளிவருவதற்கு முன்பாகவே சிம்புவின் அடுத்தடுத்த படங்கள் பற்றிய அறிவிப்புகள் வெளியானது. அவரது 49வது படத்தை 'பார்க்கிங்' படத்தை இயக்கிய ராம்குமார் பாலகிருஷ்ணன் இயக்க, கயடு லோஹர் கதாநாயகியாக நடிக்க, சந்தானம் முக்கிய கதாபாத்திரத்தில் நடிப்பதாகவும் அறிவித்தார்கள்.

சிம்புவின் 50வது படத்தை தேசிங்கு பெரியசாமி இயக்க சரித்திரப் படமாக பிரம்மாண்டமாக உருவாக உள்ளது. சிம்புவே அந்தப் படத்தை சொந்தமாகத் தயாரிக்க உள்ளார். அதற்கடுத்து சிம்புவின் 51வது படத்தை 'டிராகன்' படத்தை இயக்கிய அஷ்வத் மாரிமுத்து இயக்குவார் என்றும் அறிவிப்புகள் வந்தது.

இதனிடையே, வெற்றிமாறன் இயக்கத்தில் சிம்பு நாயகனாக நடிக்க உள்ளார் என்ற தகவல் கடந்த வாரம் முதல் வெளிவந்தது. இரண்டு நாட்களுக்கு முன்பு அப்படத்திற்கான முன்னோட்ட வீடியோவுக்கான படப்பிடிப்பும் சென்னையில் நடந்தது.

'வட சென்னை' படத்தின் முன்கதைப் பகுதியாக உருவாக உள்ள இப்படத்தின் அதிகாரப்பூர்வ அறிவிப்பு தற்போது உருவாக்கி வரும் வீடியோவுடன் வெளியாகும் என்று தெரிகிறது. அதிலேயே இது என்ன மாதிரியான படம் என்பதை ரசிகர்களுக்குத் தெரியப்படுத்த உள்ளார்களாம்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  கூலி படத்துக்கு விமர்சனம் : மவுனம் கலைத்த லோகேஷ் கனகராஜ்
• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்