Dinamalar

ஜுலை, ஆகஸ்ட்டில் 'துருவ நட்சத்திரம்' படத்தை வெளியிட முயற்சி

கவுதம் மேனன் இயக்கத்தில், ஹாரிஸ் ஜெயராஜ் இசையமைப்பில், விக்ரம், ரித்து வர்மா, பார்த்திபன், சிம்ரன் மற்றும் பலர் நடிப்பில் உருவாகிய படம் 'துருவ நட்சத்திரம்'. சில பல காரணங்களால் நீண்ட காலமாக நடந்த படப்பிடிப்பு, படம் முடிந்த பின்னும் வெளியிட முடியாத சிக்கல் என கடந்த சில வருடங்களாக இந்தப் படம் வெளியீட்டுத் தேதி அறிவிக்கப்பட்டும் முடங்கிக் கிடக்கிறது.

12 வருடங்களாக முடங்கிக் கிடந்த 'மதகஜ ராஜா' படம் இந்த வருடப் பொங்கலுக்கு வெளிவந்து எதிர்பாராத வசூலைப் பெற்று வெற்றிப் படமாக அமைந்தது. அதனால், ஒரு படம் ரசிகர்களுக்குப் பிடிக்கும்படியாக இருந்தால் எத்தனை வருடங்கள் கழித்து வந்தாலும் வெற்றி பெறும் என்ற நம்பிக்கை முடங்கிக் கிடக்கும் படங்களை எடுத்தவர்களுக்கு வந்தது.

கவுதம் மேனன் சமீபத்தில் 'துருவ நட்சத்திரம்' படத்தை ஒரு முதலீட்டாளருக்குத் திரையிட்டுக் காட்டியுள்ளார். படத்தைப் பார்த்த அவர் பிடித்தாகச் சொல்லியிருக்கிறார். அதனால், இப்படத்திற்கான நிதிச் சிக்கல்கள், சட்டச் சிக்கல்கள் ஆகியவற்றைத் தீர்க்கும் முயற்சியில் கவுதம் இறங்கியிருக்கிறார். படத்தை வெளியிடும் வரையில் வேறு படங்களில் நடிக்கவோ, இயக்கவோ செய்யாமல் 'துருவ நட்சத்திரம்' படத்தை வெளியிடுவதை மட்டும் முதல் கடமையாக வைத்திருக்கிறாராம்.

சீக்கிரமே நட்சத்திரத்திற்கு வெளிச்சம் கிடைத்தால் சரி.

• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...
• 
  ராஷ்மிகாவின் காக்டெய்ல் 2 படத்தின் ரிலீஸ் தேதி வெளியானது
• 
  சீக்வல் என்பதே ஒரு வகையான சுரண்டல் தான் : பிரியதர்ஷன் ஓபன் டாக்
• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்

• 
  மென்மையானவர் விஜய்... நல்ல குடும்பஸ்தர் அஜித்: மனம் திறந்த தமன்னா
• 
  'திரு.மாணிக்கம்' திரைக்கதை புத்தகமாக வெளியீடு
• 
  3 படங்கள் 1000 கோடி முதலீடு, மீண்டு வருமா தயாரிப்பு நிறுவனம் ?
• 
  முதல்வர் ஸ்டாலினின் வாழ்க்கை படமாகிறது: சமுத்திரக்கனி இயக்குகிறார்?
• 
  ரஜினியுடன் நடிக்கும்போது இந்த சவாலை எதிர்கொள்ள வேண்டி இருந்தது ; நடிகர் ...