Dinamalar

'அகண்டா 2' படத்தில் வில்லனாக ஆதி

தமிழில் நாயகனாகவும், தெலுங்கில் நாயகன், வில்லன், குணச்சித்திரக் கதாபாத்திரங்களிலும் நடித்து வருபவர் ஆதி. தமிழில் கடைசியாக 'சப்தம்' படத்தில் கதாநாயகனாக நடித்திருந்தார். அந்தப் படம் எதிர்பார்த்த விதத்தில் ஓடவில்லை.

இந்நிலையில் நேற்று வெளியான தெலுங்குப் படமான 'அகண்டா 2' படத்தின் டீசரில் சில வினாடிகளே இடம் பெற்ற ஆதியின் தோற்றம் ரசிகர்களைக் கவர்ந்துள்ளது. படத்தில் அவர் அகோரி கதாபாத்திரத்தில் நடிக்கலாம் எனத் தெரிகிறது. அவரைப் பார்த்து வீர வசனம் பேசி, தன்னைத் தாக்க வந்தவர்களை சூலாயுதத்தை சுற்ற வைத்து துவம்சம் செய்யும் பாலகிருஷ்ணாவின் அதிரடி ஆக்ஷன் அவரது ரசிகர்களையும் வெகுவாகக் கவர்ந்துள்ளது.

வெளியான 24 மணி நேரத்திற்குள்ளாக இந்த டீசர் 22 மில்லியன் பார்வைகளைக் கடந்துள்ளது. 24 மணி நேர முடிவில் புதிய சாதனையைப் படைக்கும் என்றும் எதிர்பார்க்கப்படுகிறது. யு டியூப் டிரென்டிங்கிலும் இந்த டீசர் தான் முதலிடத்தில் உள்ளது. எவ்வளவோ 'டிரோல்கள்' வந்தாலும் பாலகிருஷ்ணா படம் கடந்த சில வருடங்களாக வசூலில் குறை வைக்காமல் லாபத்தைத் தந்து கொண்டிருக்கிறது.

• 
  சோஷியல் மீடியாவில் திடீரென வைரலான 'கிரிஜா ஓக் காட்போலி'
• 
  மன்னிக்க முடியாதது : ஹேமமாலினி கோபம்
• 
  தீவிர மருத்துவ சிகிச்சையில் நடிகர் தர்மேந்திரா : உடல்நிலையில் ...
• 
  ஷாரூக்கானின் கிங் படத்தில் இணைந்த ஹாலிவுட் ஸ்டன்ட் மாஸ்டர்கள்
• 
  நகை கடத்தல் நடிகையின் கூட்டாளி நடிகருக்கு சிறையில் சொகுசு வசதி ; வெளியான ...

• 
  பாலிவுட் தயாரிப்பாளர்களுடன் இணைந்த கார்த்திக் சுப்பராஜ்
• 
  என் குறைகளை திருத்திக் கொள்கிறேன் : டிடிஎப் வாசன்
• 
  கடந்த வாரம் ரிலீசான படங்களின் வரவேற்பு எப்படி?
• 
  எனக்கும் கடன் இருக்கு : விஜய்சேதுபதி தகவல்
• 
  அமலாக்கத்துறைக்கு வந்த ஸ்ரீகாந்த்: 10 மணி நேரம் விசாரணை