Dinamalar

பென்ஸ் டைட்டில் கேரக்டரில் வில்லனாக நடிக்கும் நிவின்பாலி

ரெமோ, சுல்தான் ஆகிய படங்களை தொடர்ந்து பாக்யராஜ் கண்ணன் இயக்கத்தில் உருவாகும் படம் பென்ஸ். ராகவா லாரன்ஸ் கதாநாயகனாக நடிக்கும் இந்த படத்தில் கதாநாயகியாக சம்யுக்தா நடிக்கிறார். கதையை இயக்குனர் லோகேஷ் கனகராஜ் எழுதி இருக்கிறார். நடிகர் நிவின்பாலி இந்த படத்தில் நடிப்பதாக ஏற்கனவே சொல்லப்பட்டு வந்த நிலையில் தற்போது அவர் நடிக்கும் கதாபாத்திரம் குறித்த இரண்டு நிமிட புரொமோ வெளியாகி உள்ளது. இதில் பல ஆச்சரியங்கள் நமக்கு காத்திருக்கின்றன.

அதாவது படத்தில் இவர் வில்லன் என்றாலும் இவரே இரண்டு வேடங்களில் நடித்திருக்கிறார். அதில் வால்டர் என்கிற கொடூர வில்லனாகவும், அவரை எதிர்க்கின்ற பென்ஸ் என்கிற இன்னொரு கதாபாத்திரமாகவும் நிவின்பாலி நடிக்கிறார் என்பது இந்த புரோமோவில் தெரிய வந்துள்ளது. பொதுவாக படத்தின் டைட்டிலில் இடம் பெறும் பெயர் ஹீரோவுக்குத்தான் சூட்டப்படும். இந்தப் படத்தில் அதிலும் வித்தியாசம் காட்டியுள்ளார்கள்.

இதற்கு முன்பாக ஏ.ஆர் முருகதாஸ் சூர்யாவை வைத்து இயக்கிய கஜினி திரைப்படத்தில் கூட வில்லனுக்கு தான் கஜினி என டைட்டில் பெயர் வைக்கப்பட்டிருந்தது. அந்த அளவுக்கு வில்லனுக்கு முக்கியத்துவம் கொடுக்கப்பட்டிருந்தது. அதேபோல இந்த படத்தில் நிவின்பாலியின் கதாபாத்திரங்களை பார்க்கும்போது ராகவா லாரன்ஸுக்கு இணையாக இவரது கதாபாத்திரங்களும் உருவாக்கப்பட்டுள்ளது தெரிகிறது.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  நூறுசாமி படப்பிடிப்பு நிறைவு : மே 1ல் ரிலீஸ்
• 
  என்னாலேயே என்னை புரிந்து கொள்ள முடியவில்லை : தமன்னா
• 
  கல்யாணியைப் போல அமலாபாலுக்கும் கை கொடுக்குமா டிராகுலா ஜானர் படம்?
• 
  ஜப்பானில் ரிலீஸாகும் ‛குபேரா'
• 
  அனிமேஷனில் தயாராகும் ராஜமவுலியின் ஆர்ஆர்ஆர்