Dinamalar

பட்ஜெட்டை விட 3 மடங்கு அதிகம் வசூலித்த 'டூரிஸ்ட் பேமிலி'

அறிமுக இயக்குனர் அபிஷன் ஜீவிந்த் இயக்கத்தில் ஷான் ரோல்டன் இசையமைப்பில், சசிகுமார், சிம்ரன் மற்றும் பலர் நடிப்பில் மே 1ம் தேதி வெளியான படம் 'டூரிஸ்ட் பேமிலி'. இப்படத்தின் பட்ஜெட் சுமார் 15 கோடி என்று சொல்லப்பட்ட நிலையில் கடந்த பத்து நாட்களில் இப்படம் 45 கோடி வரை வசூலித்துள்ளதாக பாக்ஸ் ஆபீஸ் தகவல்கள் தெரிவிக்கின்றன. இது தியேட்டர் வசூல் மட்டுமே.

படத்தின் ஓடிடி, சாட்டிலைட் உரிமை ஆகியவற்றின் மூலம் மட்டுமே பட்ஜெட்டில் பாதிக்கும் மேல் தயாரிப்பாளர் வருவாய் பார்த்திருப்பார். படத்தைத் தியேட்டர்களில் திரையிட்ட அனைவருக்குமே லாபம் கிடைத்துள்ளது. இந்த 2025ம் ஆண்டில் இதுவரை வெளியான படங்களில் 'மத கஜ ராஜா, குடும்பஸ்தன், டிராகன்' ஆகிய படங்கள் எதிர்பார்க்காத வரவேற்பையும் வசூலையும் பெற்றன. அந்த வரிசையில் தற்போது 'டூரிஸ்ட் பேமிலி'யும் சேர்ந்துள்ளது.

படத்தின் வெற்றிக்காக நன்றி தெரிவிக்க இன்று பத்திரிகையாளர் சந்திப்பு நடைபெற உள்ளது. அப்போது வசூல் பற்றிய விவரத்தை படக்குழு வெளியிட வாய்ப்புள்ளது. இப்படத்தின் வியாபார வெற்றி யாருக்கு உதவுகிறதோ இல்லையோ, சசிகுமாருக்கு நன்றாக உதவுகிறது. அவர் நடித்து தேங்கிக் கிடந்த படங்கள் அடுத்தடுத்து வெளியாக உள்ளன.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  மீண்டும் தனுஷூடன் இணையும் சாய் பல்லவி!
• 
  'தி ராஜா சாப்' படத்தில் சிறப்பு தோற்றத்தில் கயல் ஆனந்தி!
• 
  புதிதாக மூன்று படங்களை ஒப்பந்தம் செய்த ரியோ ராஜ்!
• 
  தேசிய விருது கிடைத்தால் மகிழ்ச்சி: துல்கர் சல்மான்
• 
  முதல் முறையாக ரவி தேஜா உடன் இணையும் சமந்தா!