Dinamalar

இனி வன்முறை படங்களை தயாரிக்க மாட்டேன் : மார்கோ தயாரிப்பாளர் விரக்தி

கடந்த டிசம்பர் மாதம் மலையாளத்தில் உன்னி முகுந்தன் நடிப்பில் மார்கோ என்கிற திரைப்படம் வெளியானது. ஹனிப் அதேனி இயக்கிய இந்த படம் அதீத வன்முறை காட்சிகள் மற்றும் அதிரடியான ஏழு சண்டை காட்சிகள் கொண்ட படமாக உருவாக்கப்பட்டிருந்தது. குடும்பத்துடன் பார்க்க முடியாத படம் என்றாலும் கூட இளைஞர்கள் மத்தியில் மிகப்பெரிய வரவேற்பை பெற்று 100 கோடி வசூலையும் ஈட்டியது.

அதேசமயம் தற்போது ஒரு பக்கம் கேரள முதல்வர் இந்த படத்தை மறைமுகமாக விமர்சித்துள்ளது ஒரு அதிர்வை ஏற்படுத்தியுள்ளது என்றால், ஏற்கனவே இந்த படம் தொலைக்காட்சியில் ஒளிபரப்ப அனுமதி மறுக்கப்பட்டுள்ளதுடன் தற்போது ஓடிடியில் வெளியான நிலையில் அந்த ஒளிபரப்பு உரிமையும் ரத்து செய்யப்படுமோ என்கிற சூழல் உருவாகியுள்ளது. இதனால் படம் பல கோடி வசூலித்தாலும் கூட அந்த சந்தோஷத்தை அனுபவிக்க முடியாத சங்கடத்திற்கு ஆளாகி இருக்கிறார் மார்கோ படத்தின் தயாரிப்பாளர் ஷெரீப் முகமது.

இது குறித்து சமீபத்திய பேட்டி ஒன்றில் அவர் கூறும்போது, “இந்த படம் வன்முறையை ஆதரிக்கும் படம் இல்லை. ஒரு கதை சொல்லும் முறை.. அவ்வளவுதான்.. இதற்கு முன்பும் கூட இதே போன்று வன்முறை காட்சிகள் நிறைந்த படங்கள் எச்சரிக்கை வாசகங்களுடன் வெளியாகி இருக்கின்றன. ஆனாலும் மார்கோ படத்திற்கு நிறைய எதிர்ப்புகள் எழுந்திருப்பது வருத்தம் அளிக்கிறது. இனிவரும் நாட்களில் இது போன்ற வன்முறை படங்களை நான் ஒருபோதும் தயாரிக்க மாட்டேன் என உறுதியாக கூறுகிறேன்” என்று கூறியுள்ளார்.

சாட்டிலைட் மற்றும் ஓடிடி வியாபாரங்களில் ஏற்பட்ட பாதிப்பு, கேரள முதல்வரின் கடும் எதிர்ப்பு ஆகியவை தான் அவரை இவ்வாறு முடிவெடுக்க வைத்துள்ளது என்று சொல்லப்படுகிறது.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  மிருகங்களை பலியிடாதீர்கள் ; ரசிகர்களுக்கு பாலகிருஷ்ணா வேண்டுகோள்
• 
  ஓமர் ஷெரீப்பை மம்முட்டியாக மாற்றிய நண்பனை முதன் முறையாக மேடையேற்றிய ...
• 
  மகேஷ்பாபு, ரவீனா டான்டன் குடும்ப வாரிசுகள் இணையும் படத்திற்கு டைட்டில் ...
• 
  இப்போதைக்கு லோகா.. அடுத்து இன்னொரு படம் வரும் : பிரித்விராஜ் ஆருடம்
• 
  திரிஷ்யம் 3 மலையாளத்தில் தான் முதலில் வெளியாகும் : ஜீத்து ஜோசப் ...