ஓராண்டிற்கு பின் இந்து தமிழ் முறைப்படி இரண்டாவது முறை திருமணம் செய்த லப்பர் பந்து நாயகி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

25 ஜன, 2025 - 07:36 IST

எழுத்தின் அளவு:

The-heroine-of-lubber-pandhu-got-married-for-the-second-time-after-a-year-according-to-Hindu-Tamil-customs.

கடந்த சில மாதங்களுக்கு முன்பு வெளியான லப்பர் பந்து படத்தில் கதாநாயகியாக நடித்தவர் நடிகை சுவாசிகா. 15 வருடங்களுக்கு முன்பே தமிழில் சில படங்களில் நடித்தாலும் பெரிய அளவில் வரவேற்பு இல்லாததால் மலையாள திரை உலகிற்கு சென்று முக்கியமான கதாபாத்திரங்களில் நடித்து வந்தார். இந்த நிலையில் மீண்டும் லப்பர் பந்து திரைப்படத்தின் மூலம் தமிழுக்கு திரும்பினார். அந்த படத்தில் அவரது கதாபாத்திரம் ரசிகர்களிடம் மிகப்பெரிய பாராட்டுகளை பெற்றது. படமும் மிகப்பெரிய வெற்றி அடைந்தது.

அதேசமயம் கடந்த வருடம் ஜனவரி மாதம் தனது காதலரும், சின்னத்திரை நடிகருமான கேரளாவைச் சேர்ந்த பிரேம் ஜேக்கப் என்பவரை திருமணம் செய்து கொண்டார் சுவாசிகா. அப்போது அவர்களது திருமணம் கிறிஸ்தவ முறைப்படி நடைபெற்றது. தற்போது திருமணம் முடிந்து ஒரு வருடம் நிறைவுற்ற நிலையில் நேற்று இந்து தமிழ் முறைப்படி மீண்டும் இவர்கள் இருவரும் திருமணம் செய்து கொண்டுள்ளனர்.

அதேசமயம் இது உறவினர்கள், நண்பர்கள் என அழைத்து மிகப்பெரிய அளவில் நடைபெறாமல் இந்து முறையில் திருமணம் செய்து கொள்ள வேண்டும் என்கிற விருப்பத்திற்காக, அதை நினைவாக வைத்து பாதுகாக்க வேண்டும் என்பதற்காக ஒரு ஷூட்டிங் போல இந்த திருமணத்தை நடத்தியுள்ளனர். “ஷூட்டிங் என்றாலும் கூட நிஜமாகவே திருமணம் செய்தது போன்ற உணர்வு எங்கள் இருவருக்கும் ஏற்பட்டது” என சுவாசிகாவின் கணவர் பிரேம் ஜேக்கப் கூறியுள்ளார்.

Swasika

lubberpandhu

கருத்துகள் (0) கருத்தைப் பதிவு செய்ய

வீடு வாடகை பிரச்னை ; கலைமாமணி ...

இயக்குனரைக் கவர்ந்த ராஷ்மிகாவின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய