Dinamalar

கவுதம் மேனன் டைரக்ஷனில் நடிக்கும் விஷால்

நடிகர் விஷால் நடிப்பில் கட்நத சில ஆண்டுகளில் தொடர்ந்து வெளியான படங்கள் சறுக்கலை சந்திக்க, கடந்த 2023ல் வெளியான மார்க் ஆண்டனி திரைப்படம் அவருக்கு மிகப்பெரிய வெற்றி படமாக அமைந்தது. அந்த மகிழ்ச்சியை இன்னும் அதிகப்படுத்தும் விதமாக கடந்த 12 ஆண்டுகளுக்கு முன்பே சுந்தர் சி இயக்கத்தில் அவர் நடித்து உருவாகி சில பிரச்னைகளால் கிடப்பில் போடப்பட்டிருந்த மத கஜ ராஜா திரைப்படமும் சமீபத்தில் வெளியாகி மிகப்பெரிய வெற்றியை பெற்றுள்ளது. இதனால் விஷால் முன்பை விட உற்சாகமாகியுள்ளார்.

இந்த நிலையில் இவர் அடுத்ததாக துப்பறிவாளன் 2 படத்தை இயக்கப் போவதாக கூறி வந்தார். அதேசமயம் இன்னொரு பக்கம் அதற்கு முன்பாகவே இயக்குனர் கவுதம் மேனன் டைரக்ஷனில் தான் ஒரு படம் நடிக்க இருப்பதாக நேற்றைய மத கஜராஜா நன்றி தெரிவிக்கும் சந்திப்பில் அதிகாரப்பூர்வமாக கூறினார் விஷால். அது மட்டுமல்ல இயக்குனர் அஜய் ஞானமுத்து டைரக்ஷனிலும் ஒரு படத்தில் நடிக்க இருக்கிறாராம்.

ஏற்கனவே இயக்குநர் சுந்தர்.சியுடன் ஆம்பள, ஆக்ஷ்ன் ஆகிய படங்களில் நடித்த விஷால் தற்போது மத கஜ ராஜாவும் வெளியாகி வெற்றி பெற்று இருப்பதால் அடுத்து சுந்தர்.சி டைரக்ஷனில் அவர் எப்போது அழைத்தாலும் நடிப்பதற்கு தயாராக இருக்கிறேன் என்றும் கூறியுள்ளார்.

கவுதம் மேனன் தற்போது மலையாளத்தில் மம்முட்டி, காளிதாஸ் ஜெயராம் நடித்து வரும் டோமினிக் அண்ட் தி லேடீஸ் பர்ஸ் என்கிற படத்தை இயக்கி வருகிறார். இதை முடித்துவிட்டு அவர் விஷால் படத்தை இயக்குவார் என்று தெரிகிறது.

• 
  அனுமதியின்றி தன் பெயர், படத்தை பயன்படுத்தக்கூடாது: ஐஸ்வர்யா ராய் வழக்கு
• 
  'பாகுபலி' தயாரிப்பாளர்களை கடுமையாகப் பேசிய போனி கபூர்
• 
  நஷ்டத்துடன் ஓட்டத்தை முடிக்கும் 'வார் 2'
• 
  செப்டம்பர் 12ல் நெட்பிளிக்சில் வெளியாகும் சாயாரா!
• 
  ‛லோகா சாப்டர் 1 ; சந்திரா' படத்துக்கு பிரியங்கா சோப்ரா பாராட்டு

• 
  விபத்தில் சிக்கியதாக பரவிய வதந்தி: விளக்கமளித்து முற்றுப்புள்ளி வைத்த ...
• 
  சிவகார்த்திகேயன் அடுத்து நடிக்க போகும் 3 படங்கள் விபரம்
• 
  பிரபாஸ் பிறந்தநாளில் ‛தி ராஜா சாப்' படத்தின் முதல் பாடல்
• 
  செப்., 13ல் இளையராஜாவிற்கு தமிழக அரசு சார்பில் பிரமாண்ட பாராட்டு விழா
• 
  அல்லு அர்ஜூனை பார்த்து வியந்த ‛டிராகன்' பட இயக்குனர்