பிளாஷ்பேக்: லைவ் சவுண்டில் உருவான தூரத்து இடி முழக்கம் - Flashback: Live Sound in Doorathu Idi Muzhakkam

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பிளாஷ்பேக்: லைவ் சவுண்டில் உருவான 'தூரத்து இடி முழக்கம்'

15 நவ, 2024 - 04:06 IST

எழுத்தின் அளவு:

விஜயகாந்தை வெளி உலகத்திற்கு அறிமுகப்படுத்திய படம் 'தூரத்து இடி முழுக்கம்'. அதற்கு முன் அவர் சில படங்களில் நடித்திருந்தாலும் இந்த படம்தான் அவருக்கு முதல் படம் போன்ற அடையாளத்தை கொடுத்தது. இந்த படத்தை கே.விஜயன் இயக்கி இருந்தார். மலையாளத்தில் வெளியான 'செம்மீன்' படத்தின் சாயலில் இந்த படம் உருவாகி இருந்தது.

பானைகள் செய்யும் குயவர் குல பெண்ணான செல்லி, மீனவ குல இளைஞரான பொன்னனை காதலிப்பார். அந்த காதலில் பல பிரச்னைகள். ஒரு நாள் கடலுக்கு மீன் பிடிக்கப்போன பொன்னனை காணவில்லை. அவன் கரை திரும்பவில்லை. இதனால் செல்லிக்கு வேறொருவருடன் திருமணம் நடக்கிறது. கணவன் மனைவியை சந்தேகம் கொண்டு அடித்து கொடுமைப்படுத்துகிறான்.

இவர்கள் வாழ்க்கைக்குள் ஒரு மந்திரவாதி நுழைந்து செல்லியை அடைய நினைக்கிறான். நிர்கதியற்ற செல்லி ஒரு கையில் அகல் விளக்கையும், மறு கையில் சங்கையும் வைத்துக் கொண்டு இயற்கையை நோக்கி வேண்டுகிறார். எங்கோ தூரத்தில் கேட்கும் இடியோசை அவள் கேட்டதை செய்யும், அவள் கல்லாக அங்கேயே நின்று விடுவாள். இப்படியான கதை இது.

இந்த படத்தில் நடித்த பூர்ணிமா அதன்பிறகு பெரிதாக நடிக்கவில்லை. இந்த படத்தில் முதன் முறையாக லைவ் சவுண்ட் பயன்படுத்தப்பட்டது. படத்தின் கதை முழுக்க கடற்கரையை ஒட்டி நடப்பதால் அலையின் ஓசையே படத்தின் பின்னணியாக பயன்படுத்தப்பட்டது. இசை அமைப்பாளர் சலீல் சவுத்ரி கடல் அலை ஓசையை அப்படியே பதிவு செய்து அதையே பின்னணி இசையாக அமைத்தார். இந்த படம் இந்தியன் பனோரமாவில் திரையிடப்பட்டது.

Flashback

Doorathu Idi Muzhakkam

Vijayakanth

பிளாஷ்பேக்

தூரத்து இடி முழக்கம்

விஜயகாந்த்

கருத்துகள் (0) கருத்தைப் பதிவு செய்ய

யஷ், நயன்தாரா படத்திற்காக ...

'ப்ரீடம் அட் மிட்நைட்': இன்று ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய