Dinamalar

மீண்டும் விஜய் உடன் இணைந்த பூஜா ஹெக்டே

தமிழில் முகமூடி படத்தில் நடித்து அறிமுகமானவர் நடிகை பூஜா ஹெக்டே. அதன்பின் தமிழில் அவருக்கு வாய்ப்புகள் அமையவில்லை. அதேசமயம் ஹிந்தி, தெலுங்கில் முன்னணி நடிகையாக பல படங்களில் நடித்து வந்தார். நீண்ட இடைவெளிக்கு பின் விஜய்யின் பீஸ்ட் படத்தில் நடித்தார். தற்போது கார்த்திக் சுப்பராஜ் இயக்கத்தில் சூர்யாவின் 44வது படத்தில் நடித்து முடித்துள்ளார்.

இந்நிலையில் இவரை தேடி மீண்டும் விஜய் பட வாய்ப்பு வந்துள்ளது. கோட் படத்திற்கு பின் வினோத் இயக்கும் தனது 69வது படத்தில் நடிக்க போகிறார் விஜய். இந்த படத்துடன் சினிமாவிற்கு முழுக்கு போட்டுவிட்டு அரசியலில் பயணிக்க உள்ளார் விஜய். கேவிஎன் நிறுவனம் தயாரிக்கும் இப்படத்தின் படப்பிடிப்பு ஓரிரு நாளில் துவங்க உள்ளது. நேற்று முதல் படத்தில் நடிக்கும் நடிகர்களை பற்றிய அறிவிப்பு வெளியாகி வருகிறது. அந்தவகையில் ஹிந்தி நடிகர் பாபி தியோல் இந்த படத்தில் நடிப்பதாக அறிவிப்பு வந்தது.

இன்று நடிகை பூஜா ஹெக்டே நடிப்பதாக அறிவித்துள்ளனர். அவர் நாயகியாக நடிக்கிறார். அரசியல் சார்ந்த கதைக்களத்தில் உருவாகும் இப்படத்தில் இன்னும் ஏராளமான முக்கிய நடிகர்கள் நடிக்க உள்ளனர். ஒவ்வொன்றாக அதன் அறிவிப்பு வெளிவர உள்ளது. அனிருத் இசையமைக்கிறார்.

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  சினிமாவில் எதுவும் நிரந்தரமில்லை! : நந்திதா
• 
  அனுஷ்கா பிறந்தநாளில் வெளியான 'கதனார்' படத்தின் அழகிய போஸ்டர்!
• 
  யஷ் படத்துடன் மோதுவதில் பயமில்லை : தெலுங்கு இளம் ஹீரோ தில் பேச்சு
• 
  ராஜமவுலி, மகேஷ்பாபு படத்திலிருந்து வெளியான பிரித்விராஜ் முதல்பார்வை
• 
  கமலின் 'நாயகன்' படத்தின் ரீரிலீஸுக்கு தடை விதிக்க மறுத்த நீதிமன்றம்!