Dinamalar

விஜய்யைப் போன்று கடின உழைப்பாளியை பார்த்ததில்லை : பூஜா ஹெக்டே

தமிழில் மிஷ்கின் இயக்கிய முகமூடி படத்தில் அறிமுகமானவர் பூஜா ஹெக்டே. அதையடுத்து தெலுங்கு, இந்தி படங்களில் நடித்து வந்தவர், மீண்டும் தற்போது நெல்சன் இயக்கத்தில் விஜய் நடித்துள்ள பீஸ்ட் படத்தில் நடித்திருக்கிறார். இந்த படம் தமிழ் புத்தாண்டு தினத்தை ஒட்டி ஏப்ரல் 14ம் தேதி திரைக்கு வருகிறது. இப்படத்தின் அரபிக்குத்து பாடல் வெளியாகி வைரலாகி வரும் நிலையில், தற்போது பீஸ்ட் படத்தில் விஜய் உடன் நடித்தபோது ஏற்பட்ட அனுபவங்களை பேட்டிகளில் கூறி வருகிறார் பூஜா ஹெக்டே.

அவர் கூறுகையில், நான் இதுவரை நடித்த ஹீரோக்களில் விஜய் தான் மிகவும் எளிமையான நடிகராக இருக்கிறார். அனைவரிடத்திலும் அன்பாகவும் பழகுகிறார். அதோடு ஒவ்வொரு நாளும் படப்பிடிப்பு தளத்திற்கு அதிகாலையிலேயே வந்து மேக்கப் போட்டுக் கொண்டு இயக்குனர் ஆக்சன் சொல்வதற்கு முன்பே கேமரா முன்பு வந்துவிடுகிறார். படப்பிடிப்பு தளத்துக்குள் வந்துவிட்டால் அந்த படத்தை பற்றி மட்டுமே பேசுகிறார்.
அதோடு தன்னுடன் நடிக்கும் ஒவ்வொரு நடிகர்களுக்கும் படத்தில் முக்கியத்துவம் இருக்க வேண்டும் என்று கருதுகிறார். பாடல் காட்சிகள் மட்டுமின்றி வசன காட்சிகளிலும் கூடுதல் கவனம் செலுத்தும் விஜய் சின்னச் சின்ன விஷயங்களில் கூட அதிகப்படியான கவனம் செலுத்துகிறார்.
இதுவரை எத்தனையோ முன்னணி ஹீரோக்களுடன் நடித்து விட்டேன். ஆனால் விஜய்யை போன்று ஒரு கடினமான உழைப்பாளியை இதுவரை நான் பார்க்கவில்லை என்று தெரிவித்திருக்கும் பூஜா ஹெக்டே, என்னைப் பொறுத்தவரை சூப்பர் ஸ்டார் என்று சொன்னால் அது விஜய்தான் என்றும் அந்த பேட்டியில் கூறியிருக்கிறார்.

• 
  விருதுகளை பாத்ரூம் கதவின் கைபிடியாக்குவேன் : நசுருதீன் ஷா
• 
  'லஸ்ட் ஸ்டோரிஸ் 2' படத்தின் டீசர் வெளியானது!
• 
  ஷாருக்கான் குறித்து நெகிழும் பிரியாமணி
• 
  பழம்பெரும் ஹிந்தி நடிகை சுலோச்சனா லட்கர் மறைவு : பிரதமர் இரங்கல்
• 
  ஷாருக்கானுடன் நடிப்பதற்கு ஒரு ரூபாய் மட்டுமே சம்பளம் கேட்ட பாகிஸ்தான் ...

• 
  நகுல் நடிக்கும் புதிய படம் ‛நிற்க அதற்கு தக'
• 
  இறைவன் படத்தின் ரிலீஸ் தேதி அறிவிப்பு
• 
  ரூ.300 கோடி பட்ஜெட்டில் திரைப்படமாக உருவாகும் சக்திமான்!
• 
  வெளியானது பாவனா 86வது படத்தின் பர்ஸ்ட் லுக்!
• 
  மீண்டும் தமிழில் நடிக்கும் ஈஷா ரெப்பா