விஜய்க்கு பிறந்தநாள் வாழ்த்து சொன்ன இபிஎஸ், கமல்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

விஜய்க்கு பிறந்தநாள் வாழ்த்து சொன்ன இபிஎஸ், கமல்

22 ஜூன், 2024 - 03:03 IST

எழுத்தின் அளவு:

இயக்குனர் எஸ்.ஏ.சந்திரசேகரின் மகன் என்ற அடையாளத்துடன், அவரது படம் மூலம் குழந்தை நட்சத்திரமாக சினிமாவில் அறிமுகமானவர் நடிகர் விஜய். நாளைய தீர்ப்பு படம் மூலம் நாயகனாக மாறி, இன்றைக்கு தமிழ் சினிமாவின் முன்னணி நடிகராக உயர்ந்து நிற்கிறார். எஸ்.ஏ.சந்திரசேகரின் மகன் விஜய் என்ற நிலை மாறி விஜய்யின் அப்பா எஸ்.ஏ.சந்திரசேகர் என உருவெடுத்துள்ளார். அடுத்து தமிழக அரசியலிலும் களம் காண உள்ளார். தமிழக வெற்றிக் கழகம் என்ற கட்சியை துவங்கி இருப்பவர், 2026 சட்டசபை தேர்தலில் போட்டியிட உள்ளார்.

நடிகர் விஜய் இன்று(ஜூன் 22) தனது 50வது பிறந்தநாளை கொண்டாடுகிறார். காலை முதலே அவருக்கு வாழ்த்துகள் குவிந்து வருகின்றன. திரையுலகினர், ரசிகர்கள் என பலரும் வாழ்த்தி உள்ளனர்.

எடப்பாடி பழனிசாமி
அதிமுக.,வின் பொதுச் செயலாளர் எடப்பாடி கே பழனிசாமி வெளியிட்ட வாழ்த்து செய்தியில், ‛‛தமிழ்த் திரையுலகத்தின் முன்னணி நடிகரும், தமிழக வெற்றிக் கழகத்தின் தலைவருமான அன்புச் சகோதரர் விஜய்க்கு எனது இதயங்கனிந்த பிறந்தநாள் நல்வாழ்த்துகள். பொதுவாழ்வில் இணைந்துள்ள விஜய், பூரண நலனுடன் பல்லாண்டு மக்கள் சேவை புரிய வாழ்த்துகிறேன்'' என தெரிவித்துள்ளார்.

கமல்
நடிகரும், மக்கள் நீதி மையம் தலைவருமான கமல் வெளியிட்ட வாழ்த்து செய்தியில், ‛‛அன்புத் தம்பியும், தமிழக வெற்றிக் கழகத்தின் தலைவருமான விஜய்க்கு இனிய பிறந்தநாள் வாழ்த்துகளைத் தெரிவித்துக் கொள்கிறேன்'' என தெரிவித்துள்ளார்.

Thalapathy50Birthday

HBDVijay

Actorvijay

Kamalhaasan

EPS

கருத்துகள் (0) கருத்தைப் பதிவு செய்ய

நடிகர் விஜய் பிறந்தநாள் விழாவில் ...

50வது நாளில் 'அரண்மனை 4'

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய