Dinamalar

11 வருட தவம் : 'ஆடுஜீவிதம்' இயக்குனருக்கு ஸ்வேதா மேனன் வாழ்த்து

மலையாள திரையுலகில் நடிப்பு திறமை, கவர்ச்சி என இரண்டையும் ஒன்றாக கொண்டவர் நடிகை ஸ்வேதா மேனன். இப்போதும் இவர் நடித்த ரதி நிர்வேதம் படம் தான் இவரது விலாசமாக ரசிகர்களிடம் அறியப்படுகிறது. ஆனால் அதையும் தாண்டி கடந்த சில வருடங்களுக்கு முன்பு 'களிமண்ணு' என்கிற படத்தில் கதாநாயகியாக நடித்தார் ஸ்வேதா மேனன்.

அந்த படத்தை இயக்கியவர் தான் தற்போது பிரித்விராஜ் நடிப்பில் விரைவில் வெளியாக இருக்கும் ஆடுஜீவிதம் படத்தை இயக்கியுள்ள இயக்குனர் பிளஸ்சி. 'களிமண்ணு' படத்திற்காக அப்போது நிஜமாகவே கர்ப்பமாக இருந்த ஸ்வேதா மேனன் தனது பிரசவத்தையே சினிமாவுக்காக படம் பிடிக்கும் அனுமதியையும் இயக்குனருக்கு வழங்கினார். அந்த சமயத்தில் அது பரபரப்பாக பேசப்பட்டது.

தற்போது ஆடுஜீவிதம் படம் வரும் மார்ச்-28ல் வெளியாகவுள்ள நிலையில் இயக்குனர் பிளஸ்சிக்கும் அவரது படக்குழுவினருக்கும் தனது வாழ்த்துக்களை தெரிவித்துள்ளார் ஸ்வேதா மேனன். இயக்குனர் பிளஸ்சி பற்றி அவர் கூறும்போது, “கிட்டத்தட்ட பிளஸ்சியின் 11 வருட தவம் இது. களிமண்ணு படத்தில் அவருடன் நான் பணியாற்றிக் கொண்டிருந்த நாட்களிலேயே அவர் இந்த கதையுடன் பயணிக்க துவங்கி விட்டார். இது பற்றிய அவர் என்னிடம் நிறைய பேசி இருக்கிறார். எல்லா நட்சத்திரங்களும் இணைந்து பணியாற்ற விரும்பும் வெகுசில இயக்குனர்களில் பிளஸ்சியும் ஒருவர்” என்று கூறியுள்ளார் ஸ்வேதா மேனன்.

• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...

• 
  மகேஷ்பாபு ரவீணா டாண்டன் குடும்பத்தினரின் குறுக்கீடு எதுவும் இல்லை ; ...
• 
  மம்முட்டியின் களம்காவல் படத்தில் 22 கதாநாயகிகள்
• 
  துல்கர் சல்மானுக்கு தான் விருது கிடைத்திருக்க வேண்டும் : நடிகர் விநாயகன் ...
• 
  நடிகர் திலீப்பின் ராசி... தர்ஷனுக்கும் கை கொடுக்குமா? டிசம்பர் 11ல் தெரியும்
• 
  மோகன்லாலை மீண்டும் இயக்கும் தொடரும் பட இயக்குனர் : அதிகாரப்பூர்வ ...