Dinamalar

திருமண புகைப்படங்களை வெளியிட்ட வருண் தேஜ், லாவண்யா

தெலுங்குத் திரையுலகின் முன்னணி சீனியர் நடிகரான சிரஞ்சீவி தம்பி நாகபாபுவின் மகன் வருண் தேஜ். அவரும் தெலுங்குத் திரையுலகத்தில் கதாநாயகனாக நடித்து வருகிறார். நடிகை லாவண்யா திரிபாதியும் அவரும் கடந்த சில வருடங்களாகவே காதலித்து வந்தார்கள். பெற்றோர்கள் சம்மதத்துடன் அவர்களது திருமணம் இத்தாலியில் நடைபெற்றது.

அங்குள்ள டஸ்கனி என்னும் இடத்தில் உள்ள போர்கோ சான் பெலிஸ் என்ற ரிசாட்டில் நடைபெற்ற அவர்களது திருமண நிகழ்வில், நெருங்கிய குடும்ப உறவினர்கள், நண்பர்கள் மட்டும் கலந்து கொண்டனர். திருமணத்திற்கு முந்தைய நிகழ்ச்சிகள் சிலவும் அங்கேயே சில நாட்கள் நடைபெற்றது.

பாலிவுட்டின் பிரபல ஆடை வடிவமைப்பாளரான மனிஷ் மல்கோத்ரா டிசைன் செய்த ஆடைகளை திருமணத்திற்காக தம்பதியினர் அணிந்திருந்தனர். அதில் லாவண்யா அணிந்த காஞ்புரம் பட்டுப் புடவையும் அடங்கும்.

திருமணப் புகைப்படத்தைப் பகிர்ந்து நாகபாபு, “புதுமணத் தம்பதியருக்கு உங்களது ஆசீர்வாதம் தேவை,” என்று குறிப்பிட்டிருந்தார். நேற்று வருண், லாவண்யா இருவரும் மேலும் சில புகைப்படங்களைப் பகிர்ந்துள்ளனர். பிரபலங்கள், ரசிகர்கள் அவர்களுக்கு வாழ்த்துகளைத் தெரிவித்து வருகிறார்கள்.

நவம்பர் 5ம் தேதி ஐதராபாத்தில் திருமண வரவேற்பு நிகழ்ச்சியை பிரம்மாண்டமாக நடத்தத் திட்டமிட்டுள்ளார்கள்.

• 
  விஜய் பட இயக்குனர் உடன் இணையும் சல்மான்
• 
  பிரபல பாலிவுட் இயக்குனரின் வாழ்க்கை வரலாறு படத்தில் நடிக்கும் தமன்னா
• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...

• 
  பாண்டிராஜ் படத்தில் ஜெயராம், ஊர்வசி
• 
  உறவு பிரியாமல் இருக்க 'பூதசுத்தி விவாஹம்' செய்த சமந்தா
• 
  ரஜினி பிறந்தநாளில் ‛எஜமான்' ரீ ரிலீஸ்
• 
  மூளை குறைவாக இருப்பதால்தான் நடிகராக இருக்கிறேன்: சிவகார்த்திகேயன்
• 
  பிளாஷ்பேக்: ரஜினி படத்தை ரீமேக் செய்த விசு