Dinamalar

கேரளா, தமிழ்நாடு, அஜர்பைஜான் - 3 இடங்களில் 3 முக்கிய படப்பிடிப்புகள்

தமிழ் சினிமாவில் ஒரே சமயத்தில் மூன்று முன்னணி நடிகர்களின் படப்பிடிப்புகள் அடுத்தடுத்து ஆரம்பமாகியிருப்பது இதுவே முதல் முறையாகக் கூட இருக்கலாம்.

ரஜினிகாந்த் நடிக்கும் அவரது 170வது படத்தின் படப்பிடிப்பு கேரளா மாநிலத்தில் உள்ள திருவனந்தபுரத்தில் ஆரம்பமாகியுள்ளது. அங்கு நடைபெறும் படப்பிடிப்பில் கலந்து கொள்வதற்காக ரஜினிகாந்த் கேரளா சென்றுள்ளார். அங்குள்ள பழமையான பங்களா ஒன்றில் படப்பிடிப்பு நடக்க உள்ளதாகத் தெரிகிறது.

விஜய் நடிக்கும் அவரது 68வது படத்தின் படப்பிடிப்பு சென்னையில் ஆரம்பமாகியுள்ளது. பிரசாத் ஸ்டுடியோவில் அமைக்கப்பட்டுள்ள பிரம்மாண்ட அரங்கில் பாடல் காட்சியின் படப்பிடிப்பை நடத்தி வருகிறார்கள்.

அஜித் நடிக்கும் 'விடாமுயற்சி' படத்தின் படப்பிடிப்பு அஜர்பைஜான் நாட்டில் ஆரம்பமாகிறது. அதற்காக அஜித், த்ரிஷா உள்ளிட்ட படக்குழுவினர் அங்கு சென்றுள்ளார்கள். அஜர்பைஜான் எங்குள்ளது என்பது சிலருக்குத் தெரிந்திருக்க வாய்ப்பில்லை. ஈரான் நாட்டிற்கு வடக்கில் உள்ள நாடுதான் அஜர் பைஜான். சோவியத் யூனியனிலிருந்து பிரிந்த ஒரு நாடுதான் இது. காஸ்பியன் கடல் ஒரு பக்கம் உள்ளது.

விரைவில் வினோத் இயக்கத்தில் கமல்ஹாசன் நடிக்க உள்ள அவரது 233வது படத்தின் படப்பிடிப்பு சென்னையில் ஆரம்பமாக இருக்கிறது. இப்படங்கள் அனைத்துமே அடுத்தாண்டு நிச்சயம் வெளியாகும். அதனால், அடுத்த ஆண்டில் அனைத்து முன்னணி நடிகர்களின் படங்களும் வெளியாகும் ஒரு ஆண்டாக அமையப் போகிறது.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா