Dinamalar

அக்டோபர் 1 முதல் 'பிக் பாஸ் சீசன் 7' : மாற்றங்கள் வருமா ?

நடிகர் கமல்ஹாசன் தொகுத்து வழங்கும் 'பிக் பாஸ்' நிகழ்ச்சியின் 7வது சீசன் அக்டோபர் 1 முதல் ஆரம்பமாக உள்ளதாக அதிகாரப்பூர்வமாக அறிவிக்கப்பட்டுள்ளது. இதற்கான முதல் அறிவிப்பிலிருந்தே இந்த சீசனில் பிக் பாஸ் வீடு, இரண்டாக மாறப் போகிறது என்று கூறி வந்தார்கள்.

கடந்த 6 சீசன்களாக நிகழ்ச்சியில் கலந்து கொள்ளும் போட்டியாளர்கள் ஒரே வீட்டில்தான் இருப்பார்கள். கடந்த 6 சீசன்களாக நிகழ்ச்சியின் கான்செப்ட்டில் பெரிய மாற்றங்கள் எல்லாம் இருந்ததில்லை. இந்த 7வது சீசனில்தான் முதலில் இரண்டு வீடு என்ற மாற்றத்தை அறிவித்துள்ளார்கள்.

வீடு மட்டும் இரண்டு என்பது மாற்றமல்ல, நிகழ்ச்சியிலும் இன்னும் சில மாற்றங்கள் இருக்க வேண்டும் என ரசிகர்கள் எதிர்பார்க்கிறார்கள். ஒவ்வொரு சீசனிலும் ஏதாவது ஒரு காதல் நாடகம், யாராவது இருவருக்கிடையில் அதிக மோதல், குரூப்பிசம், கவர்ச்சி காட்டும் ஒரு பெண் போட்டியாளர் என அரைத்த மாவையே அரைத்து வந்தார்கள். ஒவ்வொரு சீசனின் போதும் இது 'ஸ்கிரிப்ட்' என குற்றச்சாட்டு வருவதும் உண்டு.

அவ்வளவு விமர்சனங்களுக்கு மத்தியில் எந்த மாதிரியான போட்டியாளர்கள் தேர்வு செய்யப்பட உள்ளார்கள். வேறு என்னென்ன மாற்றங்கள் இருக்கப் போகிறது என்பது நிகழ்ச்சி ஆரம்பமாகும் போதுதான் தெரிய வரும்.

• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்
• 
  300 மில்லியன் பார்வைகளைக் கடந்த 'துரந்தர் 2' டிரைலர்
• 
  சன்னி தியோலின் லாகூர் 1947 பட டைட்டில் மாற்றம் ?
• 
  துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்

• 
  இந்தாண்டு ஹிட் படமெல்லாம்... முதல் படத்தில் ஜெயித்த இயக்குனர்கள்
• 
  ராதிகா பாலிசியை மற்றவர்கள் பின்பற்றுவார்களா?
• 
  10வது படத்திலும் புது இயக்குனரை அறிமுகப்படுத்தும் சிவகார்த்திகேயன்
• 
  மீண்டும் கதை நாயகனாக நடிக்கும் முனீஷ்காந்த்
• 
  'கடல் கன்னி' ஆண்ட்ரியா