Dinamalar

ஐதராபாத்தில் இன்று 'வாரிசு' சக்சஸ் பார்ட்டி?

தெலுங்குத் திரையுலகத்தின் பிரபல தயாரிப்பாளர், வினியோகஸ்தரான தில் ராஜு தயாரிப்பில், தெலுங்கு இயக்குனரான வம்சி பைடிபள்ளி இயக்கத்தில் விஜய், ராஷ்மிகா மந்தனா மற்றும் பலர் நடித்து கடந்த வாரம் வெளிவந்த படம் 'வாரிசு'.

இப்படம் ஒரு வாரத்தில் ரூ.210 கோடி வசூலித்ததாக படத்தயாரிப்பு நிறுவனம் ஏற்கெனவே அறிவித்தது. இப்படத்தின் இசை வெளியீடு சென்னையில் பிரம்மாண்டமாக நடைபெற்றது. அந்த விழாவில் விஜய் கலந்து கொண்டு பேசினார். அதற்குப் பிறகு தெலுங்கில் நடைபெற்ற பத்திரிகையாளர் சந்திப்பில் விஜய் கலந்து கொள்வார் என்று எதிர்பார்க்கப்பட்டது. ஆனால், அதில் அவர் கலந்து கொள்ளவில்லை.

இந்நிலையில் இன்று இரவு ஐதராபாத்தில் 'வாரிசு' படத்தின் சக்சஸ் பார்ட்டி நடைபெற உள்ளதாக ஒரு தகவல் வெளியாகி உள்ளது. அதில் படக்குழுவினர், தெலுங்கு திரையுலகத்தின் பிரபலங்கள் பலர் கலந்து கொள்ள உள்ளதாகத் தெரிகிறது. விஜய்யும் அதில் கலந்து கொள்வார் என்ற எதிர்பார்ப்பு எழுந்துள்ளது. ஐதராபாத்தில் 'வாரிசு' படம் சம்பந்தமாக நடைபெற்ற எந்த ஒரு நிகழ்விலும் விஜய் கலந்து கொள்ளவில்லை. இன்றைய பார்ட்டியை விஜய்க்காக மட்டுமே தயாரிப்பாளர் தில் ராஜு தனிப்பட்ட முறையில் நடத்த உள்ளாராம். அதனால், விஜய் கண்டிப்பாகக் கலந்து கொள்வார் என்கிறார்கள்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு