Dinamalar

வில்லன் யார் ? படக்குழுவினர் வைத்த சஸ்பென்ஸை போட்டு உடைத்த மம்முட்டி

மலையாள திரையுலகில் மோகன்லாலின் ஆஸ்தான இயக்குனராக அறியப்படுபவர் இயக்குனர் பி உன்னிகிருஷ்ணன். தொடர்ந்து மோகன்லாலை வைத்து படங்களை இயக்கி வந்த இவர், கிட்டத்தட்ட 12 வருட இடைவெளிக்கு பிறகு தற்போது மீண்டும் மம்முட்டியை வைத்து கிறிஸ்டோபர் என்கிற படத்தை இயக்கி வருகிறார். இந்த படத்தில் அமலாபால், ஐஸ்வர்ய லட்சுமி, சினேகா என மூன்று கதாநாயகிகள் நடிக்கின்றனர். இது தவிர முக்கிய கதாபாத்திரத்தில் நடிகர் சரத்குமாரும் நடிக்கிறார். படத்தின் வில்லனாக நடிகர் வினய் ராய் நடித்துள்ளார். துப்பறிவாளன், எதற்கும் துணிந்தவன், டாக்டர் ஆகிய படங்களை தொடர்ந்து மலையாளத்திலும் ஹைடெக் வில்லனாகவே முதன்முறையாக அறிமுகமாகிறார் வினய் ராய்.

தற்போது இவருடைய கதாபாத்திரம் குறித்து இரண்டு போஸ்டர்களை வெளியிட்டுள்ளார் படக்குழுவினர் அதில். வினய் பெயரை குறிப்பிடாமல் அவருடைய முகத்தோற்றம் சரியாக தெரியாத அளவிலும், முதுகுப்பக்கம் மட்டும் தெரியுமாறும் இந்த போஸ்டர்களை வெளியிட்டு அதில் ஒரு சஸ்பென்ஸ் வைத்திருந்தனர். ஆனால் இந்த போஸ்டர்களை தனது சோசியல் மீடியா பக்கத்தில் பகிர்ந்து கொண்ட மம்முட்டி, சீதாராம் திருமூர்த்தி என்கிற வில்லன் கதாபாத்திரத்தில் வினய் நடிக்கிறார் என்ற தகவலை குறிப்பிட்டு படக்குழுவினர் வைத்த சஸ்பென்ஸை தெரியாமல் உடைத்துவிட்டார்.

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  மம்முட்டியின் களம்காவல் படத்தில் 22 கதாநாயகிகள்
• 
  துல்கர் சல்மானுக்கு தான் விருது கிடைத்திருக்க வேண்டும் : நடிகர் விநாயகன் ...
• 
  நடிகர் திலீப்பின் ராசி... தர்ஷனுக்கும் கை கொடுக்குமா? டிசம்பர் 11ல் தெரியும்
• 
  மோகன்லாலை மீண்டும் இயக்கும் தொடரும் பட இயக்குனர் : அதிகாரப்பூர்வ ...
• 
  நீதிமன்றத்தில் நேரில் ஆஜராகி ஆதாரங்களை சமர்ப்பித்த நிவின்பாலி