Dinamalar

ரீ-ரிலீஸ் டிரெண்ட்டை மீண்டும் ஆரம்பித்து வைக்குமா 'பாபா' ?

ஒரு காலத்தில் ரீ-ரிலீஸ் தியேட்டர்கள் என்றே பல ஊர்களில் தியேட்டர்கள் இருக்கும். அங்கு புதிய படங்கள் எதுவும் வெளியாகாது. பழைய படங்களைத்தான் அதிகமாகத் திரையிடுவார்கள். அல்லது நான்கு அல்லது ஐந்து வாரங்களுக்கு மேல் ஒரே தியேட்டரில் ஓடிய புதிய படத்தை அங்கிருந்து தூக்கிவிட்டு அந்த பழைய படங்களைத் திரையிடும் தியேட்டர்களில் தொடர்ந்து திரையிடுவார்கள்.

பிலிமிலிருந்து டிஜிட்டலுக்கு திரைப்படத் திரையீடுகள் மாறிய பிறகு இந்த ரீ-ரிலீஸ் வியாபாரம் முற்றிலுமாக அழிந்து போனது. இருந்தாலும் 'கர்ணன், வீரபாண்டிய கட்டபொம்மன், வசந்த மாளிகை, ஆயிரத்தில் ஒருவன்,' உள்ளிட்ட அந்தக் கால காவியத் திரைப்படங்களை டிஜிட்டல் தொழில்நுட்பத்தில் கொரோனா காலத்திற்கு முன்பாக ரீ-ரிலீஸ் செய்து நல்ல வசூலைப் பெற்றார்கள்.

ஆனாலும், 80, 90, 2கே ஆண்டுகளில் வெளிவந்த படங்களை ரீ-ரிலீஸ் செய்ய பலரும் ஆர்வம் காட்டவில்லை. தெலுங்கில் கடந்த சில மாதங்களாக முன்னணி நடிகர்களின் பழைய படங்களை அவர்களது பிறந்தநாளை முன்னிட்டு ரீ-ரிலீஸ் செய்யும் டிரெண்ட் ஆரம்பமானது. தமிழிலும் சில படங்களை மட்டும் சிறப்புக் காட்சிகளாக மட்டும் ரிலீஸ் செய்தார்கள்.

அதே சமயம் ரஜினிகாந்த் நடித்து 20 ஆண்டுகளுக்கு முன்பு வெளிவந்த 'பாபா' படத்தை டிஜிட்டல் தொழில்நுட்பத்திற்கு மாற்றி, சில காட்சிகளைக் குறைத்து இரு தினங்களுக்கு முன்பு டிசம்பர் 10ம் தேதி தமிழகம் மட்டுமல்லாது பெங்களூரு உள்ளிட்ட வெளிமாநிலங்களிலும் வெளியிட்டார்கள். ஒரு புதிய படத்தை வெளியிடுவது போன்று படத்தை நன்றாகவே ரசிகர்களிடம் கொண்டு போய் சேர்த்தார்கள். கடந்த இரண்டு நாட்களில் கடந்த வாரம் வெளியான புதிய படங்களை விடவும் 'பாபா' படத்தின் வசூல் சிறப்பாக இருப்பதாக கோலிவுட் வட்டாரங்கள் தெரிவிக்கின்றன.

'பாபா' படத்தின் மூலம் ரீ-ரிலீஸ் டிரெண்ட்டை ரஜினிகாந்த் மீண்டும் ஆரம்பித்து வைத்துள்ளது அவரது ரசிகர்களுக்கு மட்டுமல்ல மற்ற நடிகர்களின் ரசிகர்களுக்கும் மகிழ்ச்சியைத் தந்துள்ளது. விஜய், அஜித் உள்ளிட்ட நடிகர்களின் முந்தைய வெற்றிப் படங்களை சம்பந்தப்பட்ட தயாரிப்பாளர்கள் மீண்டும் இது போல் செய்யத் தூண்டும். புதிய படங்கள் கை கொடுக்காத நிலையில் இப்படியான பழைய வெற்றிப் படங்கள் சரியான நாட்களில் மீண்டும் வெளியானால் நல்ல வசூலைப் பெற முடியும் என தியேட்டர்காரர்களும் தெரிவிக்கிறார்கள்.

• 
  அஜித் தோவல் வேடத்தில் மாதவன்
• 
  ரன்வீர் சிங் ஜோடியான சாரா அர்ஜுன்
• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2

• 
  அம்மாவாக நடிப்பது பெருமை... வயது தடையில்லை : ஐஸ்வர்யா ராஜேஷ்
• 
  பிளாஷ்பேக்: கனவில் அறிமுகமாகி, காலம் இணைத்து வைத்த காதல் மனங்களின் ...
• 
  நயன்தாரா ஆவணப்படத்தில் 'சந்திரமுகி' காட்சிகள்: நஷ்டஈடு கோரி மேலும் ஒரு ...
• 
  கூலி படத்திற்காக இரண்டு ஆண்டுகளாக கடின உழைப்பை போட்ட லோகேஷ் கனகராஜ்
• 
  ‛டிமான்டி காலனி 3' படப்பிடிப்பை தொடங்கிய அஜய் ஞானமுத்து