Dinamalar

டிஎஸ்பி - கமெண்ட்ஸ் 'ஆப்' செய்து டுவீட் போடும் விஜய் சேதுபதி

பொன்ராம் இயக்கத்தில், விஜய் சேதுபதி, அனுகீர்த்திவாஸ் மற்றும் பலர் நடித்து கடந்த வாரம் வெளியான படம் 'டிஎஸ்பி'. இதுவரை விஜய் சேதுபதி நடித்து வெளிவந்த படங்களில் இந்தப் படத்திற்குத்தான் மிகவும் மோசமான விமர்சனங்கள் வந்தது. ரசிகர்களின் வரவேற்பையும் பெறாத இந்தப் படத்தில் விஜய் சேதுபதி ஏன் நடித்தார் என அவரை நேசிக்கும் ரசிகர்களே கேள்வி எழுப்புகிறார்கள்.

படத்திற்கு முதல் நாளிலேயே வரவேற்பும் வசூலும் இல்லாத நிலையில் மறுநாளே இயக்குனர் பொன்ராம், விஜய் சேதுபதி படம் வெற்றி என 'கேக்' வெட்டி கொண்டாடினார்கள். ஆனால், அந்த புகைப்படங்கள் விஜய் சேதுபதியின் டுவிட்டர் தளத்தில் வெளியிடப்படவில்லை. பாக்ஸ் ஆபீசிலும் படம் படுதோல்வி என்று தெரிந்தும் விஜய் சேதுபதியின் டுவிட்டர் கணக்கைப் பார்க்கும் 'அட்மின்' படத்தை ஒரு வெற்றிப் படம் போலவே தொடர்ந்து டுவீட் செய்து வருகிறார். ஆனால், கமெண்ட்டுகளை 'ஆப்' செய்துவிட்டு மட்டும் டுவீட் செய்கிறார்கள்.

படம் வெளியான டிசம்பர் 2ம் தேதியன்று மட்டும் கமெண்ட்டுகள் 'ஆன்' செய்யப்பட்டிருந்தன. அதற்குப் பிறகு பதிவிட்ட டுவீட்டுகள் எதிலும் கமெண்ட் பகுதி 'ஆப்' செய்யப்பட்டே பதிவிடப்படுகின்றன.

விஜய் சேதுபதி கதாநாயகனாக நடித்து 2018ல் வெளிவந்த '96' படத்திற்குப் பிறகு வெளிவந்த படங்கள் 'காத்து வாக்குல ரெண்டு காதல், மாமனிதன்' படங்கள் மட்டுமே சுமாராக ஓடியது. மற்ற படங்கள் தோல்வியைச் சந்தித்துள்ளன. தமிழைத் தவிர தெலுங்கு, ஹிந்தி என நடித்து வரும் விஜய் சேதுபதி தமிழில் சரியான கதைகளைத் தேர்வு செய்து நடிக்க வேண்டும் என அவர்களது ரசிகர்களும், வினியோகஸ்தர்களும் எதிர்பார்க்கிறார்கள்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு