துணிவு ரிலீஸ் - வாரிசு படத்திற்கு அதிக தியேட்டர்கள் கிடைக்குமா ? - Thunivu release announced : Will Varisu get more theatres

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'துணிவு' ரிலீஸ் - 'வாரிசு' படத்திற்கு அதிக தியேட்டர்கள் கிடைக்குமா ?

28 அக், 2022 - 01:38 IST

எழுத்தின் அளவு:

தமிழ் சினிமாவில் தற்போது வெளியாகும் முன்னணி நடிகர்களின் படங்கள், முக்கிய படங்கள் ஆகியவற்றை உதயநிதி ஸ்டாலினின் ரெட் ஜெயன்ட் மூவிஸ் நிறுவனம்தான் வாங்கி வெளியிடுகிறது. 2023 பொங்கலுக்கு அஜித் நடிக்கும் 'துணிவு' படத்தை தமிழகம் முழுவதும் ரெட் ஜெயன்ட் நிறுவனம் வெளியிட உள்ளதாக சற்று முன் அதிகாரப்பூர்வமாக அறிவித்துள்ளார்கள்.

பொங்கலுக்கு விஜய் நடிக்கும் 'வாரிசு' படமும் வெளியாக உள்ளது. அப்படத்தை விஜய்யின் 'மாஸ்டர்' படத்தைத் தயாரித்த, விஜய்யின் 67வது படத்தைத் தயாரிக்க உள்ள செவன் ஸ்க்ரீன் ஸ்டுடியோ நிறுவனம் வெளியிட உள்ளதாக ஏற்கெனவே தகவல் வெளியாகி உள்ளது. ரெட் ஜெயன்ட் நிறுவனம் ஒரு படத்தை வெளியிடுகிறதென்றால் அதற்குப் போட்டியாக வேறொரு நடிகரின் படத்தை வெளியிடுவது அவ்வளவு சாதாரண விஷயமல்ல. தமிழகத்தில் உள்ள முக்கிய தியேட்டர்கள் கிடைப்பது அரிதானது.

பொதுவாக தமிழக பாக்ஸ் ஆபீஸ் வட்டாரங்களில் அஜித்தின் படங்களை விட விஜய்யின் படங்களுக்குத்தான் எதிர்பார்ப்பும், வரவேற்பும் அதிகம் இருக்கும். இந்நிலையில் 'துணிவு' படத்திற்குப் போட்டியாக 'வாரிசு' படத்திற்கு அதிக தியேட்டர்களை எப்படி படத்தை வினியோகிப்பவர் வாங்கப் போகிறார் என்பதை திரையுலகில் யோசிக்க ஆரம்பித்திருப்பார்கள்.

இந்த விவகாரம் விரைவில் சமூக வலைத்தளங்களில் விவாதிக்கப்பட்டாலும் ஆச்சரியப்படுவதற்கில்லை.

Thunivu

HVinoth

AjithKumar

Varisu

Actorvijay

Redgaint

கருத்துகள் (0) கருத்தைப் பதிவு செய்ய

ஹரிஷ் கல்யாண் - நர்மதா திருமணம் இனிதே ...

இன்று ஒரே ரிலீஸ், அடுத்த வாரம் கடும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய