Dinamalar

தீபாவளி நாளில் கமல்ஹாசனை சந்தித்த லோகேஷ் கனகராஜ்

2022ம் ஆண்டின் முக்கியமான வெற்றிப் படங்களில் ஒன்று 'விக்ரம்'. லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பகத் பாசில் மற்றும் பலர் நடித்த இந்தப் படம் கமல்ஹாசனின் திரையுலகப் பயணத்தில் பெரும் சாதனை படைத்த படமாக விளங்கியது. 400 கோடிக்கும் மேல் வசூலித்து தமிழ்த் திரையுலகின் முந்தைய சாதனைகளை முறியடித்தது.

ரசிகர்களால் 'தரமான' ஒரு படம் என பாராட்டப்பட்ட 'விக்ரம்' படத்தின் வெற்றிக்குப் பிறகு லோகேஷ் கனகராஜ் மீது இந்தியத் திரையுலகத்தின் பார்வை விழுந்துள்ளது. தெலுங்கு, ஹிந்தி என பல மொழி ஹீரோக்களும் அவருடன் சேர்ந்து பணியாற்ற விரும்புவதாகத் தகவல். இதனிடையே 'விக்ரம்' படத்தின் அடுத்த பாகம் எப்போது வரும் என்று ரசிகர்கள் ஆவலுடன் இருக்கிறார்கள்.

அடுத்து விஜய்யின் 67வது படம், 'கைதி 2' ஆகிய படங்களை இயக்க உள்ள லோகேஷ் கனகராஜ் தீபாவளி தினத்தில் கமல்ஹாசனை சந்தித்துள்ளார். அது பற்றிய புகைப்படத்தை அவர் பதிவிடாமல் லோகேஷின் நெருங்கிய நண்பரும், இயக்குனரும், 'விக்ரம்' படத்திற்க லோகேஷுடன் இணைந்து வசனம் எழுதி ரத்னகுமார் பதிவிட்டுள்ளார்.

லோகேஷ், கமல்ஹாசன் சந்தித்த புகைப்படத்தைப் பதிவிட்டு, “தீபாவளி எப்படி போச்சுடான்னு கேட்டால், இந்த போட்டோ காமிச்சான்… என்றென்றும் ஊக்கமளிக்கும் பயணம்,” எனக் குறிப்பிட்டுள்ளார்.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்