டான்ஸ் ஜோடி டான்ஸ்-ல் பிரபுதேவா : சாமானிய போட்டியாளர்களோடு ஜோடி போடப்போகும் 12 பிரபலங்கள் யார்?

06 ஆக, 2022 - 12:45 IST

0 கருத்துகள் கருத்தைப் பதிவு செய்ய

எழுத்தின் அளவு:

சென்னை : டான்ஸ் ஜோடி டான்ஸ் நிகழ்ச்சியில் சாமானிய போட்டியாளர்களுடன் ஜோடி போடப்போகும் 12 பிரபலங்கள் யார் என்பது பிரபுதேவா முன்னணியில் தெரிய வர உள்ளது.

தமிழ் சின்னத்திரையில் ஜீ தமிழ் டிவியில் ஒளிபரப்பாகி ரசிகர்கள் மத்தியில் பெரும் வரவேற்பை பெற்ற ரியாலிட்டி ஷோ டான்ஸ் ஜோடி டான்ஸ். சாமானியர்களை சாதனையாளராக்கும் நிகழ்ச்சியாக இது இருந்து வருகிறது. மற்ற நடன நிகழ்ச்சி போல் இல்லாமல் டான்ஸ் ஜோடி டான்ஸ் நிகழ்ச்சியில் 12 சாமானிய போட்டியாளர்கள் 12 திரைப்பிரபலங்களுடன் ஜோடி சேர்ந்து நடனமாடுவது இந்த நிகழ்ச்சியில் ஸ்பெஷாலிட்டி என்று சொல்லலாம்.

இந்த நிகழ்ச்சியின் புதிய சீசன் சமீபத்தில் தொடங்கியது. கிகி, விஜய் உள்ளிட்டோர் தொகுத்து வழங்க பாபா பாஸ்கர் மாஸ்டர், சினேகா, சங்கீதா உள்ளிட்டோர் நடுவர்களாக பங்கேற்றுள்ள இந்த நிகழ்ச்சியில் கலந்து கொள்ளும் 12 போட்டியாளர்கள் தேர்வு செய்யப்பட்டதை தொடர்ந்து அவர்கள் எந்த பிரபலத்துடன் ஜோடி போட்டு நடனமாட போகிறார்கள் என இந்த வாரம் தெரிய வர உள்ளது. இந்த நிலையில் நிகழ்ச்சியில் மேலும் சிறப்பாக்க நடனபுயல் பிரபுதேவா சிறப்பு விருந்தினராக பங்கேற்க உள்ளதாக தகவல் வெளியாகியுள்ளது.

மேலும் அவர் போட்டியாளர்களுடன் சேர்ந்து நடனமாடி இருப்பதாக தகவல்கள் வெளியாகியுள்ளது. இதனால் இந்த வாரம் டான்ஸ் ஜோடி டான்ஸ் நிகழ்ச்சி ரசிகர்களுக்கு செம ட்ரீட்டாக இருக்கும் என எதிர்பார்க்கலாம். போட்டியாளர்களோடு ஜோடி சேர்ந்து நடனமாட உள்ள அந்த 12 பிரபலங்கள் யார் என்ற கேள்வி நிகழ்ச்சி மீதான ஆர்வத்தை உச்சத்துக்கு கொண்டு சென்றுள்ளது.

Dancejodidance

Prabhudeva

Zeetamil

கருத்துகள் (0) கருத்தைப் பதிவு செய்ய

வருத்தத்தில் வில்லி நடிகை

ஜீ தமிழின் சண்டே ஸ்பெஷல் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய