Dinamalar

விக்ரம் படத்தை லோகேஷ் கனகராஜ் இயக்கியதில் உள்ள ஆச்சரிய அம்சம்

மாநகரம், கைதி, மாஸ்டர் என தொடர்ந்து வெற்றி படங்களை இயக்கியதுடன் ஒவ்வொரு படியாக ஏறி முன்னணி இயக்குனர் வரிசைக்கு உயர்ந்துள்ளார் லோகேஷ் கனகராஜ். அதன் அடுத்த கட்டமாக தற்போது கமல் நடித்துள்ள விக்ரம் திரைப்படத்தை இயக்கியுள்ளார். மிகப்பெரிய நட்சத்திர பட்டாளமே நடித்துள்ள இந்த படம் வரும் ஜூன் மூன்றாம் தேதி வெளியாக இருக்கிறது.

கமலின் தீவிர ரசிகரான லோகேஷ் கனகராஜ் தனது அபிமான நடிகரின் படத்தை இயக்குவது ஒரு ஆச்சரியம் என்றால், இந்த படத்திற்கு விக்ரம் என கமல் ஏற்கனவே நடித்த அவரது படத்தின் பெயரையே வைத்தது குறித்து பலரும் ஆச்சரியம் தெரிவித்தார்கள். அதேசமயம் இந்த படத்திற்கும் லோகேஷ் கனகராஜூக்கும் மிகநெருங்கிய இன்னொரு ஆச்சரியமான தொடர்பு உள்ளது. கமல் நடித்த விக்ரம் படம் வெளியான 1986-ம் வருடத்தில் தான் லோகேஷ் கனகராஜ் பிறந்தார். சொல்லப்போனால் அவரது வயது தான் இந்த விக்ரம் படம் என்று கூட சொல்லலாம்.

விக்ரம் வெளியான சமயத்தில் பிறந்து, பின்னாளில் கமல் ரசிகராக மாறி, இயகுனரானதும் அவரது படத்தையே இயக்கியுள்ளது நிச்சயமாக ஒரு சாதனை தான். விக்ரம் வெளியான வருடத்தில் பிறந்தவர் என்பதால் கூட இந்த படத்திற்கு விக்ரம் என டைட்டில் வைத்திருந்தாலும் ஆச்சரியப்படுவதற்கில்லை. அதோடு இந்த விக்ரம் படம் ஏற்கனவே வெளியான விக்ரம் படத்தின் மற்றொரு வடிவம், இன்னும் சொல்லப்போனால் விக்ரம் இரண்டாம் பாகம் என்று கூட சொல்லலாம் என்கிறார்கள்.

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?
• 
  பராசக்தி படத்தின் இசை வெளியீட்டு விழா எங்கே?