Dinamalar

தெலுங்கு சினிமா - ஜுலை 30 முதல் மீண்டும் புதிய வெளியீடுகள்

கொரோனா இரண்டாவது அலையின் காரணமாக ஏப்ரல் மாதக் கடைசியில் இருந்து தமிழ்நாட்டில் சினிமா தியேட்டர்கள் மூடப்பட்டன. கடந்த மூன்று மாதங்களுக்கும் மேலாக தியேட்டர்கள் மூடப்பட்டுள்ள நிலையில் எப்போது திறப்பார்கள் என்பது குறித்த எந்தத் தகவலும் இதுவரை வெளியாகவில்லை.

இதனிடையே, தெலுங்கு மாநிலங்களான ஆந்திரா, தெலங்கானாவில் தியேட்டர்களைத் திறக்க ஏற்கெனவே அனுமதி அளித்தார்கள். ஆனால், டிக்கெட் கட்டணம், பார்க்கிங் கட்டணம் உள்ளிட்ட சில விவகாரங்களில் அரசின் உத்தரவை எதிர்பார்த்துக் காத்திருந்தார்கள். அதற்கான உத்தரவுகள் வந்துவிட்டதால் இந்த வாரம் ஜுலை 30ம் தேதி முதல் புதிய படங்களை அரசு விதித்துள்ள கட்டுப்பாடுகளின்படி வெளியிட உள்ளார்கள்.

மல்டிபிளக்ஸ் அல்லாத சிங்கிள் தியேட்டர்களில் 50 சதவீத இருக்கைகளுடன் படங்களைத் திரையிட உள்ளார்கள். அதன்படி, இந்த வாரம் “திம்மருசு, இஷ்க் நாட் எ லவ் ஸ்டோரி, நரசிம்மபுரம், த்ரயம், பரிகெட்டு பரிகெட்டு” ஆகிய படங்களை வெளியிட திட்டமிட்டுள்ளார்கள். இப்படங்களுக்கு ரசிகர்கள் எப்படி வருகை தருகிறார்கள் என்பதைப் பொறுத்து ஆகஸ்ட் மாதத்தில் சில முக்கிய படங்களை வெளியிட உள்ளார்கள்.

தமிழிலும் தியேட்டர்களில் வெளியிட சில படங்களைத் தயாராக வைத்துள்ளார்கள். அரசு அனுமதி கிடைத்ததும் ஒன்றன்பின் ஒன்றாக வெளியீட்டு அறிவிப்புகள் வரலாம்.

• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்

• 
  மம்முட்டியின் களம்காவல் படத்தில் 22 கதாநாயகிகள்
• 
  துல்கர் சல்மானுக்கு தான் விருது கிடைத்திருக்க வேண்டும் : நடிகர் விநாயகன் ...
• 
  நடிகர் திலீப்பின் ராசி... தர்ஷனுக்கும் கை கொடுக்குமா? டிசம்பர் 11ல் தெரியும்
• 
  மோகன்லாலை மீண்டும் இயக்கும் தொடரும் பட இயக்குனர் : அதிகாரப்பூர்வ ...
• 
  நீதிமன்றத்தில் நேரில் ஆஜராகி ஆதாரங்களை சமர்ப்பித்த நிவின்பாலி