ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு | தயாரிப்பு நிறுவனம் தொடங்கிய நெல்சன் | நாக சைதன்யா, பூஜா ஹெக்டேவை இயக்கும் விருபாக்ஷா இயக்குனர் | ஜூன் 13ல் வெளியாகும் ‛இந்தியன் 2' | தெலுங்கிற்கே முன்னுரிமை தரும் 'குபேரா' குழு | ஒரு அப்டேட் கூட வரவில்லை, வருத்தத்தில் அஜித் ரசிகர்கள் | இளம் இசையமைப்பாளர் பிரவீண் குமார் மரணம் | ஏப்ரல் மாதத்திலும் தொடர்ந்த ஏமாற்றம் - 2024 ஏப்ரல் படங்கள் ஓர் பார்வை | ‛ஆனந்த ராகம்' பாடிய அபூர்வ குரல் உமா ரமணன் காலமானார் |
மலையாள சினிமாவின் ஜனப்ரிய நாயகன் திலீப்புக்கு கடந்த வருடம் சொல்லிக்கொள்ளும்படியான வெற்றிகள் எதுவும் இல்லை. இந்த வருடம் அவரது முதல் படமான 'இவன் மரியாதராமன்' படம் கூட ஏப்ரல் முதல் வாரத்தில் தான் வெளியானது.
தெலுங்கு, கன்னடம், தமிழ் என மூன்று மொழிகளில் வெற்றியை சுவைத்த ராஜமவுலியின் 'மரியாத ராமண்ணா'வின் ரீமேக்கான இந்தப்படம் தனக்கு பிரேக் கொடுக்கும் என நம்பினார் திலீப்.. ஆனால் அது பாக்ஸ் ஆபீஸில் மண்ணை கவ்வவே, துணிந்து அடுத்த 2௦ நாட்களிலேயே தனது அடுத்த படமான 'சந்திரேட்டன் எவிடயா' படத்தை ரிலீஸ் செய்தார்.
வழக்கம்போல இதுவும் சாதாரண படமாக இருக்கும் என்றுதான் ஆரம்பத்தில் நினைத்தார்கள். ஆனால் ரிலீஸான மூன்றே நாட்களிலேயே 2 கோடி வசூலித்த இந்தப்படம், மொத்தத்தில் 15 கோடியை வசூலித்து திலீப்பின் கௌரவத்தை ஓரளவு காப்பாற்றியது. அதற்கு காரணம் பூர்வ ஜென்மத்தை இந்த ஜென்மத்துடன் இணைத்து சொல்லப்பட்டிருந்த வித்தியாச பாணியிலான கதை தான். அடுத்து வெளியான 'லவ் 24x7' படமும் ஜீத்து ஜோசப்பின் இயக்கத்தில் நடித்த 'லைப் ஆப் ஜோஸுட்டி' படமும் அவருக்கு எந்தவிதத்திலும் கைகொடுக்க தயாராக இல்லை. மீண்டும் சோர்ந்துபோன திலீப்புக்கு எனர்ஜி டானிக் கொடுக்கும் விதமாக கடந்த வெள்ளியன்று கிறிஸ்துமஸ் ரிலீஸாக வெளியான '2 கண்ட்ரீஸ்' படம் வெற்றிகரமாக ஓடிக்கொண்டு இருக்கிறது. அந்தவிதமாக திலீப்பிற்கு இந்த வருடம் மகிழ்ச்சியுடனேயே முடிவடைந்துள்ளது என்றே சொல்லலாம்..!