Dinamalar

மூன்று வாரம் முன்கூட்டியே ரிலீசாகும் மம்முட்டியின் டர்போ

கடந்த பிப்ரவரி மாதம் மம்முட்டி நடிப்பில் வெளியான பிரம்மயுகம் திரைப்படம் பதினெட்டாம் நூற்றாண்டில் நடைபெறும் கதையாக உருவாகி இருந்ததுடன் வித்தியாசமாக 80 வயது மனிதர் கதாபாத்திரத்தில் வில்லத்தனம் காட்டி மிரட்டி இருந்தார் மம்முட்டி. அதை தொடர்ந்து அதற்கு முற்றிலும் மாறாக தற்போது அவர் ஆக்சன் ஹீரோவாக நடித்துள்ள டர்போ திரைப்படம் உருவாகியுள்ளது. ஏற்கனவே மம்முட்டியை வைத்து போக்கிரி ராஜா மற்றும் அதன் இரண்டாம் பாகமாக மதுர ராஜா ஆகிய படங்களை இயக்கிய புலி முருகன் பட இயக்குனர் வைசாக் தான் இந்த படத்தை இயக்கியுள்ளார்.

இந்த படத்தில் தெலுங்கு நடிகர் சுனில் மற்றும் கன்னட நடிகர் ராஜ் பி ஷெட்டி இருவரும் முக்கிய கதாபாத்திரங்களில் நடித்துள்ளனர். இந்த படத்திற்கு பிரபல இயக்குனரான மிதுன் மானுவேல் தாமஸ் கதை எழுதி இருப்பதாலும் வைசாக் மம்முட்டி கூட்டணியில் மூன்றாவதாக இந்த படம் வெளியாக இருப்பதாலும் படம் குறித்த எதிர்பார்ப்பு அதிகமாக இருக்கிறது.

இந்த படம் ஜூன் 13ஆம் தேதி வெளியாகும் என ஏற்கனவே அறிவிக்கப்பட்டிருந்த நிலையில் தற்போது மூன்று வாரங்கள் முன்னதாக வரும மே 23ஆம் தேதி வெளியாகும் என புதிய ரிலீஸ் தேதி அறிவிக்கப்பட்டுள்ளது. சம்மர் விடுமுறையிலேயே படத்தை ரிலீஸ் செய்தால்தான் அனைத்து தரப்பு ரசிகர்களும் படத்தைப் பார்க்க வசதியாக இருக்கும் என்பதால் இந்த திடீர் முடிவை எடுத்து உள்ளார்களாம்.

• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா

• 
  சயின்ஸ் பிக்சன் படத்திற்காக 10 வருடங்களுக்கு பிறகு மீண்டும் இணைந்த ...
• 
  மோகன்லால் படப்பிடிப்பு தளத்திற்கு விசிட் அடித்த பிரியதர்ஷன்
• 
  சிரஞ்சீவிக்கு முதல் திருமண அழைப்பிதழ் வைத்த அல்லு சிரிஷ்
• 
  பஹத் பாசிலின் தெலுங்கு படத்தில் இணைந்த 'எக்கோ' பட வில்லன்
• 
  நானி, வெங்கி அட்லூரி கூட்டணி படத்தின் கதாநாயகி யார் தெரியுமா?