Dinamalar

சென்னையில் சீர்காழி கோவிந்தராஜன் பெயரில் சாலை

சென்னை மந்தை வெளிப்பாக்கம் ஈஸ்ட் சர்க்குலர் ரோடு, சீர்காழி கோவிந்தராஜன் ரோடு என பெயர் மாற்றம் செய்யப்படுகிறது. தமிழக முதல்வர் ஸ்டாலின் நாளை(பிப்., 18) காலை இதற்கான பெயர் பலகையை திறந்து வைக்கிறார்.

சீர்காழியில் பிறந்த கோவிந்தராஜன் திரைப்பாடல்கள், ஆன்மிக பாடல்கள், தனி இசை பாடல்கள் என 16 ஆயிரம் பாடலை பாடியுள்ளார். பத்மஸ்ரீ விருது பெற்றவர் தன்னுடைய 56வது ஆண்டிலேயே காலமானார். இவர் வசித்து வந்த சென்னை மந்தவெளிப்பாக்கம் பகுதியில் உள்ள தெருவுக்கு அவர் பெயரை சூட்ட வேண்டும் என்று சீர்காழி கோவிந்தராஜன் குடும்பத்தினர் மற்றும் அவருடைய மகன் டாக்டர் சிவசிதம்பரம் ஆகியோர் தமிழக அரசுக்கு கோரிக்கை வைத்தனர். அதை தமிழக அரசும் ஏற்றுக் கொண்டது. அதற்கான அறிவிப்பு வெளியான நிலையில் நாளை காலை சென்னை மந்தவெளிப்பாக்கம் ஈஸ்ட் சர்குலர் ரோடு சீர்காழி கோவிந்தராஜன் ரோடு என பெயர் மாற்றம் செய்யப்படுகிறது. இந்த பெயர் பலகையை முதல்வர் ஸ்டாலின் திறந்து வைக்கிறார்.

ஆன்மிமீக பாடல்களை அதிகம் பாடினாலும் தமிழ் மீது உள்ள பற்று காரணமாக திராவிட கழக மேடையில் கூட சீர்காழி பாடியிருக்கிறார். எம்ஜிஆர் ஜெயலலிதாவிற்கும் அவருடைய அரசியல் வாழ்விற்கு பயன்படும் வகையில் தொட்ட இடம் துலங்க வரும், நமது வெற்றியை நாளை சரித்திரம் சொல்லும் உள்ளிட்ட பாடல்களை பாடி இருக்கிறார். சீர்காழியின் சாதனையை போற்றும் வகையில் சென்னையில் அவர் பெயரில் தெரு அமைவது குறிப்பிடத்தக்கது.

• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை
• 
  இயக்குனர் மீது 'கும்பமேளா' புகழ் மோனலிசா பாலியல் புகார்

• 
  பாலிவுட்டில் கவனம் செலுத்தும் ராஷி கண்ணா
• 
  பவிஷின் ‛லவ் ஓ லவ்' முதல்பார்வை வெளியீடு
• 
  நேரடி ஓடிடி ரிலீஸ் : விஜய் சேதுபதி நடிக்கும் காட்டான் முதல் வரிசை கட்டும் ...
• 
  ஐஸ்வர்யா ராய் பார்த்து நடிக்க ஆசைப்பட்டேன்: அபிநயா
• 
  கோவாவில் செட்டில் ஆகிறாரா ரவிமோகன்