ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
சில நடிகைகள் இருக்கிறார்கள்.. வாய்ப்பு கிடைக்க கஷ்டப்படும் காலத்தில் பவர்ஸ்டாருக்கு கூட ஜோடியாக நடிக்க தயங்காமல் ஒப்புக்கொள்வார்கள்.. ஆனால் ஒரு படம் நடித்து க்ளிக் ஆகிவிட்டாலோ, அல்லது மிகப்பெரிய நடிகருடன் முதல் படத்தில் நடிக்க வாய்ப்பு கிடைத்துவிட்டாலோ அவர்களது ஆட்டமும் பேச்சும் எல்லை தாண்டிவிடுகிறது.. இப்படி ஒரு பகீர் குற்றச்சாட்டுக்குத்தான் ஆளாகி இருக்கிறார் மம்முட்டியுடன் கதாநாயகியாக நடித்த மலையாள நடிகை ஜூவல்மேரி. டிவி நடிகையாக இருந்து சினிமா நடிகையாக மாறிய, ஜூவல் மேரி போன ஜென்மத்தில் பண்ணிய புண்ணியமோ என்னவோ, அவருக்கு முதல் இரண்டு படங்களிலும் தொடர்ந்து மம்முட்டிக்கு ஜோடியாக நடிக்கும் வாய்ப்பு கிடைத்தது.
அதிலும் இரண்டாவதாக வெளியான 'பத்தேமாறி' படம் வெற்றிகரமாக ஓடுவதால் ஜூவல் மேரிக்கு கொஞ்சம் பவிசு ஏறிவிட்டதாம். அதனால் தான் அவரது முதல்பட தயாரிப்பாளரான ஹஷீப் ஹனீப் என்பவர், தான் அடுத்து தயாரிக்கும் 'ஆடுபுலியாட்டம்' படத்தில் அவரை கதாநாயகியாக அழைத்தபோது நடிக்க மறுத்துவிட்டாராம். அதற்கு அவர் மீடியாக்களில் சொல்லிவரும் காரணம் கதை தனக்கு பிடிக்கவில்லை என்பது தானாம். ஆனால் இப்போது உண்மையான காரணம் என்ன என்பதை வெளிச்சத்துக்கு கொண்டுவந்துள்ளார் தயாரிப்பாளர்.
படத்தின் கதையை ஒரு வரி கூட கேட்காத ஜூவல்மேரி கதை நன்றாக இல்லை என சொல்லிவருவது மிகப்பெரிய பொய் என்றும் வயதான ஜெயராமுடன் நடிக்க முடியாது என்பதால்தான், இந்தப்படத்தில் நடிக்க ஒப்புக்கொள்ளவில்லை என்றும் கூறினாராம். அதுமட்டுமல்ல இதுவே பஹத் பாசில் நடிப்பதாக இருந்தால் உடனே சம்மதம் சொல்லி இருப்பாராம்.. ஆனால் ஜெயராமை விட வயது கூடிய மம்முட்டியுடன் மட்டும் இவர் எப்படி நடித்தார் என தெரியவில்லை. இப்போது இவருக்கு பதிலாகத்தான் ரம்யா கிருஷ்ணன் நடிக்கிறார்.. இப்போது அறிமுகமான நடிகைக்கு பதிலாக வயதான ரம்யா கிருஷ்ணன் எப்படி செட்டாவார் என சந்தேகிக்க வேண்டாம்.. ஜூவல்மேரியும் பார்ப்பதற்கு வயதானவர் போலத்தான் இருப்பார்.