Dinamalar

ஜிம் பயிற்சியாளரை தாக்கியதாக நடிகர் துருவ சார்ஜாவின் மேலாளர் கைது

கன்னட திரையுலகின் பிரபல நடிகர்களில் ஒருவர் துருவ சார்ஜா. கடந்த சில வருடங்களுக்கு முன் காலமான நடிகர் சிரஞ்சீவி சார்ஜாவின் தம்பி இவர். அது மட்டுமல்ல நடிகர் அர்ஜுனின் உறவு முறையில் அவருக்கு மருமகனும் கூட. சமீபகாலமாக தான் நடிக்கும் படங்களை தமிழிலும் வெளியிட்டு வருகிறார். இந்த நிலையில் துருவ சார்ஜாவின் பெர்சனல் ஜிம் பயிற்சியாளரை அவரது மேலாளர் தாக்கியதாக வழக்கு பதிவு செய்யப்பட்டு கைது செய்யப்பட்டுள்ளார்.

இது குறித்து காவல்துறையில் வெளியிட்டுள்ள தகவலில் துருவ சார்ஜாவின் மேலாளர் அஸ்வின் என்பவர் ஜிம் பயிற்சியாளர் பிரசாந்த் பூஜாரியை, தனக்கு கீழ் பணி புரியும் இரண்டு நபர்களை விட்டு தாக்குதல் நடத்தி இருக்கிறார். மே 29ஆம் தேதி இந்த நிகழ்வு நடந்துள்ளது. இது குறித்து தற்போது பிரசாந்த் பூஜாரி கொடுத்துள்ள புகாரின் பேரில் அஸ்வின் மற்றும் அவரது உதவியாளர்கள் இருவர் மீது வழக்கு பதிவு செய்யப்பட்டு கைது செய்யப்பட்டுள்ளனர்.

நடிகர் துருவ சார்ஜா உடன் ஜிம் பயிற்சியாளரான பிரசாந்த் பூஜாரி நெருக்கமான நட்பு காட்டுவதை விரும்பாததால் அஸ்வின் இப்படி தாக்குதலுக்கு ஏற்பாடு செய்து, அதில் மாட்டிக் கொள்ளாமல் இருப்பதற்காக தனது உதவியாளர்களை ஏவி விட்டுள்ளார் என்று விசாரணையில் தெரியவந்துள்ளது.

• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...

• 
  சென்சாரில் சிக்கிய பல்டி பட ஹீரோவின் படம் : உயர்நீதிமன்ற நீதிபதிக்காக ...
• 
  கேரளா திரைப்பட விநியோகஸ்தர் சங்கத்திற்கு சுப்ரீம் கோர்ட் நோட்டீஸ்
• 
  பழம்பெரும் பாடகி, நடிகை பாலசரஸ்வதி தேவி காலமானார்
• 
  தீபாவளி ரிலீஸாக வெளியாகும் அனுபமா பரமேஸ்வரனின் இரண்டு படங்கள்
• 
  எங்கேயும் போக மாட்டேன், 13 வருட காத்திருப்பு போதும் : இயக்குனருக்கு உறுதி ...