Dinamalar

லேட்டானாலும் லேட்டஸ்ட் : பஹத் பாசிலுக்கு மோகன்லால் வாழ்த்து

நடிகர் பஹத் பாசில் தற்போது மலையாள திரையுலகையும் தாண்டி தென்னிந்திய அளவில் பிரபலமான நடிகராக மாறிவிட்டார். குறிப்பாக தமிழில் விக்ரம், மாமன்னன் ஆகிய படங்களைத் தொடர்ந்து அவர் நடிக்கும் படங்களுக்கு மிகப்பெரிய எதிர்பார்ப்பு ரசிகர்களிடம் இருக்கிறது. அந்த வகையில் அடுத்ததாக ரஜினிகாந்துடன் அவர் இணைந்து நடித்துள்ள வேட்டையன் மற்றும் தெலுங்கில் அவர் நடித்துள்ள புஷ்பா 2 ஆகிய திரைப்படங்கள் அடுத்தடுத்து வெளியாக இருக்கின்றன. இந்த நிலையில் தனது சில தினங்களுக்கு முன்பு பஹத் பாசில் தனது 42வது பிறந்த நாளை கொண்டாடினார், திரை உலகைச் சேர்ந்த பல பிரபலங்கள் அவருக்கு வாழ்த்து தெரிவித்தனர்.

இந்த நிலையில் சற்று தாமதமாக நான்கு நாட்கள் கழித்து அவருக்கு தனது பிறந்தநாள் வாழ்த்துக்களை தெரிவித்துள்ளார் நடிகர் மோகன்லால். தனது இன்ஸ்டாகிராம் பக்கத்தில் பஹத் பாசில் தனது கன்னத்தில் வாஞ்சையுடன் முத்தமிடும் புகைப்படம் ஒன்றை பகிர்ந்து கொண்டுள்ள மோகன்லால், ஆவேசம் படத்தில் பஹத் பாசில் பேசும் வசனமான எடா மோனே என்கிற வசனத்தையும் குறிப்பிட்டு ஐ லவ் யூ என்று கூறி தனது வாழ்த்துக்களை தெரிவித்துள்ளார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  மலையாள வாரிசு வில்லன் நடிகர் மேகநாதன் மறைவு
• 
  ராம் பொதினேனிக்கு ஜோடியான பாக்யஸ்ரீ போர்ஸ்
• 
  மம்முட்டி, மோகன்லால் இணையும் படத்தின் படப்பிடிப்பு தொடங்கியது
• 
  'பதேர் பாஞ்சாலி' நடிகை மரணம்
• 
  நடிகர் சித்திக்கிற்கு முன்ஜாமின் வழங்கிய உச்சநீதிமன்றம் ; புகாரளித்த ...