ரீமேக் மாதிரியே இருக்காது : ரசிகரின் கேள்விக்கு ரவி தேஜா பட இயக்குனர் பதில்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

26 ஜூலை, 2024 - 03:16 IST

எழுத்தின் அளவு:

தெலுங்கில் கப்பார் சிங், மிரப்பகாய் போன்ற ஹிட் படங்களை கொடுத்தவர் இயக்குனர் ஹரிஷ் சங்கர். தற்போது இவரது இயக்கத்தில் ரவி தேஜா நடிப்பில் உருவாகியுள்ள படம் மிஸ்டர் பச்சன். இந்த படம் வரும் ஆகஸ்ட் 15ம் தேதி வெளியாக இருக்கிறது. ஹிந்தியில் வெளியான ரெய்டு படத்தின் ரீமேக்காக இந்த படம் உருவாகி உள்ளது.

இந்த நிலையில் சோசியல் மீடியாவில் ரசிகர்களின் கேள்விகளுக்கு சமீபத்தில் பதில் அளித்தார் ஹரிஷ் சங்கர். அப்போது ரசிகர் ஒருவர் தொடர்ந்து ரீமேக் படங்களையே இயக்குகிறீர்கள், இந்த படம் ரீமேக் என்றாலும் வெற்றி பெற வாழ்த்துக்கள்.. அதே சமயம் மிரப்பகாய் படம் போல உங்கள் ஒரிஜினல் கதையில் திறமையை வெளிக்காட்டும் விதமாக ஒரு படத்துடன் மீண்டும் வாருங்கள் என்று கோரிக்கை வைத்தார்.

காரணம் இதற்கு முன்பு ஹரிஷ் சங்கர் இயக்கிய கப்பார் சிங் மற்றும் கத்தல கொண்டா கணேஷ் ஆகியவை ரீமேக் படங்கள் தான். இப்போது மிஸ்டர் பக்சன் படமும் ரீமேக் என்பதால் அவரிடம் இப்படி ஒரு கேள்வியை ரசிகர் கேட்டுள்ளார். ஆனால் இதற்கு கொஞ்சமும் கோபப்படாமல் கூலாக பதிலளித்துள்ள ஹரிஷ் சங்கர், “நண்பரே இந்த படத்தை பாருங்கள்.. ரீமேக் என்று சொன்னால் நீங்களே நம்ப மாட்டீர்கள்.. அந்த அளவிற்கு புதிதாக இருக்கும்.. நீங்கள் படம் பார்த்துவிட்டு என்னிடம் உங்கள் கருத்தை சொல்லுங்கள்.. நான் எப்போதுமே சோசியல் மீடியாவில் இருப்பவர்களுடன் ரொம்பவே நட்பாக பழகுபவன்.. எந்நேரமும் என்னை நீங்கள் தொடர்பு கொள்ளலாம்” என்று கூறியுள்ளார்.

Raviteja

கருத்துகள் (0) கருத்தைப் பதிவு செய்ய

முதன்முறையாக காமெடியில் கை ...

பெயரை மாற்றிய இயக்குனர் பூரி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய