Dinamalar

பெயரை மாற்றிய இயக்குனர் பூரி ஜெகன்நாத் மகன்

தெலுங்கு திரையுலகின் பிரபல இயக்குனர் பூரி ஜெகன்நாத். மகேஷ்பாபு, ராம்சரண், ஜூனியர் என்டிஆர் உள்ளிட்ட பல முன்னணி நடிகர்களை வைத்து ஹிட் படங்களை கொடுத்தவர். கடைசியாக இவர் விஜய் தேவரகொண்டாவை வைத்து இயக்கிய லைகர் படம் தோல்வியடைந்த நிலையில் தற்போது ராம் பொத்தினேனியை வைத்து டபுள் ஐ ஸ்மார்ட் என்கிற படத்தை இயக்கி வருகிறார். இந்த படம் விரைவில் ரிலீசுக்கு தயாராகி வருகிறது.

பூரி ஜெகன்நாத்தின் மகன் ஆகாஷ் பூரி, ராம்சரண் கதாநாயகனாக அறிமுகமாகிய சிறுத்தா படத்தில் ஜூனியர் ராம் சரணாக நடித்தவர். அதன்பிறகு பல படங்களில் குழந்தை நட்சத்திரமாக நடித்த இவர் 2015ல் ஆந்திரா பொறி என்கிற படத்தில் கதாநாயகனாக அறிமுகமானார். 2018ல் தனது தந்தை இயக்கிய மெகபூபா என்கிற படத்திலும் கதாநாயகனாக நடித்தார். இந்த படம் ஓரளவு வெற்றி படமாக அமைந்தது.

ஆனாலும் அதன் பிறகு அவர் நடித்த ரொமான்டிக் மற்றும் சோர் பஜார் ஆகிய படங்கள் பெரிய வரவேற்பு பெறவில்லை. இந்த நிலையில் தான் சமீபத்தில் தனது 27ஆவது பிறந்தநாளை கொண்டாடிய ஆகாஷ் பூரி, இன்றிலிருந்து தனது பெயரை ஆகாஷ் ஜெகன்நாத் என மாற்றிக் கொண்டுள்ளதாக புதிய அறிவிப்பு ஒன்றையும் வெளியிட்டுள்ளார்.

சமீபகாலமாக திரையுலகில் தனக்கு சரியான முன்னேற்றம் இல்லை என்பதால் இந்தப்பெயர் மாற்றம் தன்னை வளர்ச்சி பாதைக்கு அழைத்துச் செல்லும் என நம்பிக்கை கொண்டு தனது பெயரை தற்போது அவர் மாற்றி உள்ளதாக சொல்லப்படுகிறது.

• 
  மறு உத்தரவு வரும் வரை கேரளா ஸ்டோரி 2 ரிலீஸை நிறுத்திவைத்த கேரள ...
• 
  தடை செய்யப்பட்ட துரந்தர் படம் பார்ப்பதற்காகவே இந்தியா வந்தார்கள் : ...
• 
  பிரியங்கா சோப்ராவின் தி பிளப் ஓடிடியில் வெளியானது
• 
  என்னை வேறொரு கோணத்தில் காட்டும் படம்: ஜதின் சர்னா
• 
  கேரளா ஸ்டோரி 2 வெளியீடு குறித்து வழக்கு, அடுத்தக்கட்ட நகர்வு என்ன

• 
  கேரளாவில் முதன்முறையாக பஞ்சாயத்து நிர்வாகத்தால் கட்டப்பட்ட தியேட்டர் : ...
• 
  நிலச்சரிவில் கால் இழந்த பெண்ணுக்கு செயற்கைக்கால் மற்றும் சொந்த வீடு ; ...
• 
  திரிஷ்யம் 3 படத்தில் நடிக்க மறுத்த வெங்கடேஷ்
• 
  சிரஞ்சீவி, பாலகிருஷ்ணா இணைந்து நடிப்பார்களா ? ரசிகர்கள் எதிர்பார்ப்பு
• 
  விஸ்மாயா மோகன்லால் கதாநாயகியாக அறிமுகமாகும் தொடக்கம் படப்பிடிப்பு ...