Dinamalar

காதலிப்பது உண்மையா? - நடிகையுடன் சேர்ந்து விளக்கம் அளித்த உன்னி முகுந்தன்

மலையாளத் திரையுலகில் பிரபலமான இளம் நடிகராக இருப்பவர் உன்னி முகுந்தன். சமீப காலமாக ஒரு தயாரிப்பாளராகவும் மாறி அடுத்தடுத்து இரண்டு வெற்றி படங்களையும் கொடுத்தார். அதைவிட மலையாள சினிமாவின் மோஸ்ட் எலிஜிபில் பேச்சிலராக இருக்கிறார். இதனால் அவ்வப்போது சில நடிகைகளுடன் இவரை இணைத்து காதல் கிசுகிசுக்கள் வெளியாகி வருவது வாடிக்கையான விஷயம் தான்.

சமீபகாலமாக நடிகை அனுஸ்ரீக்கும் இவருக்கும் காதல் இருப்பதாக ஒரு தகவல் சோசியல் மீடியாவில் தொடர்ந்து பரவி வருகிறது. இவர்கள் இருவரும் இணைந்து தற்போது ஜெய் கணேஷ் என்கிற படத்தில் நடித்துள்ளனர். வரும் ஏப்ரல் 11ம் தேதி இந்த படம் வெளியாக இருக்கிறது. இதனை தொடர்ந்து இந்த படத்தின் பத்திரிகையாளர் சந்திப்பில் நாயகன் உன்னி முகுந்தன், நடிகை அனுஸ்ரீ ஆகியோர் இணைந்து இந்த காதல் கிசுகிசு குறித்து உண்மை என்ன என்கிற விளக்கம் அளித்தனர்.

இது குறித்து உன்னி முகுந்தன் கூறும்போது, “நாங்கள் இருவரும் இந்த ஒரு படத்தில்தான் இணைந்து நடித்துள்ளோம். அனுஸ்ரீக்காவது இப்படி காதல் கிசுகிசு வருவது முதன்முறை என்பதால் அவர் விளையாட்டாக கூட எடுத்துக் கொள்ளலாம். ஆனால் வருடத்திற்கு இரண்டு முறை ஏதோ ஒரு நடிகையுடன் காதல் கிசு கிசு வெளியாவது எனக்கு இப்போது எல்லாம் வேதனையாக தான் இருக்கிறது. ஆனால் என்னுடன் கிசுகிசுக்கப்பட்ட நடிகைகள் எல்லோருக்கும் அடுத்தடுத்து திருமணம் ஆகி விடுகிறது. அந்த வகையில் நடிகை அனுஸ்ரீக்கும் விரைவில் திருமணம் கைகூடி வந்தாலும் ஆச்சரியப்படுவதற்கு இல்லை” என்று கூறியுள்ளார் உன்னி முகுந்தன்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...