நயன்தாராவின் ‛மண்ணாங்கட்டி' படப்பிடிப்பு நிறைவு | ஆகஸ்ட் மாதத்திற்கு தள்ளிப் போகிறதா இந்தியன் 2? | தீபிகா படுகோனேவை பிரிகிறாரா ரன்வீர் சிங் : பாலிவுட்டில் பரபரப்பு | விஜய்யின் கோட் படத்தில் நடிக்கிறாரா சிவகார்த்திகேயன்? | ராஜு மகாலிங்கத்தின் புதிய வீட்டிற்கு விசிட் அடித்த ரஜினி | சீரியல் நடிகை ஆர்த்தி சுபாஷ் வைரல் கிளிக்ஸ் | பாலாவின் காதலா? டிஆர்பி கேமா? - குழம்பிய ரசிகர்கள் | முடிவுக்கு வரும் ‛அருவி' சீரியல் | போலி கணக்கு துவங்கி ட்ரோல்களை சமாளித்த அனேகன் பட நாயகி | மனைவியுடனான விவாகரத்து குறித்து மனம் திறந்த விஜய் யேசுதாஸ் |
மலையாள திரையுலகில் கடந்த 35 வருடங்களுக்கு மேலாக பிரபல நடிகராக வலம் வருபவர் சுரேஷ் கோபி. தமிழில் விஜயகாந்த் போல, மலையாளத்தில் ஆக்ஷன் ஹீரோ என பெயர் பெற்ற இவர் கடந்த சில வருடங்களாக குறைந்த அளவிலேயே படங்களில் நடித்து வருகிறார். காரணம் பா.ஜ., கட்சியில் இணைந்து ராஜ்யசபா எம்.பியாகவும் பொறுப்பு வைத்து வருகிறார்.
இந்த நிலையில் கடந்த சில தினங்களுக்கு முன்பு குருவாயூர் கோயிலில் பிரதமர் மோடி தலைமையில் சுரேஷ் கோபியின் மூத்த மகள் பாக்யாவுக்கும் ஸ்ரேயாஸ் மோகன் என்பவருக்கும் திருமணம் நடைபெற்றது. தனது மகளின் திருமணத்திற்கு ஏற்கனவே கேரள கவர்னர் ஆரிப் முகமது கானுக்கு சுரேஷ்கோபி அழைப்பு விடுத்திருந்த நிலையில் மணமக்களின் திருமண வரவேற்பு நிகழ்ச்சியில் அவர் கலந்து கொண்டார்.
இந்த நிலையில் தற்போது சுரேஷ் கோபியின் வீட்டிற்கே வந்து மீண்டும் மணமக்களை வாழ்த்தியுள்ளார். சுரேஷ் கோபியும் கவர்னருக்கு சிறப்பான விருந்தோம்பல் செய்து அவரை கவுரவித்தார். கடந்த சில தினங்களாக கேரளாவில் ஆளும் அரசுடன் எதிர்ப்பு போக்கை கடைபிடித்து வரும் கவர்னர், மத்தியில் ஆளும் கட்சியைச் சேர்ந்த சுரேஷ்கோபியின் வீட்டிற்கே வந்து சென்றுள்ளது கேரள அரசியலில் பரபரப்பை ஏற்படுத்தியுள்ளது.