Dinamalar

100 கோடி வசூல் கிளப்பில் இணைந்த ஆர்டிஎக்ஸ்

கடந்த ஆகஸ்ட் 25ம் தேதி மலையாளத்தில் ஆர்டிஎக்ஸ் என்கிற திரைப்படம் வெளியானது. வளர்ந்து வரும் இளம் ஹீரோக்களான ஆண்டனி வர்கீஸ், ஷேன் நிகம் மற்றும் நீரஜ் மாதவ் என மூன்று பேர் இந்த படத்தில் கதாநாயகர்களாக நடித்திருந்தனர். முழுக்க முழுக்க ஆக்ஷனை மட்டுமே மையப்படுத்தி இந்த படத்தை இயக்கியிருந்தார் அறிமுக இயக்குனர் நகாஷ் ஹிதாயத். தனது குடும்பத்தை துன்புறுத்தி அவமதித்தவர்களுக்கு தனது நண்பர்களுடன் சேர்ந்து பாடம் புகட்டும் ஒரு இளைஞனின் பழிவாங்கும் கதையாக உருவாகி இருந்தது.

அதில் மார்சியல் ஆர்ட்ஸ் கலையை பயன்படுத்தி ஆறு சண்டை காட்சிகளை இணைத்து ரசிகர்களுக்கு அறுசுவை விருந்து படைத்திருந்தனர். வெளியான நாள் முதல் மிகப்பெரிய வரவேற்பை பெற்று ஓடிய இந்த படம் தற்போது 100 கோடி வசூல் கிளப்பில் இணைந்துள்ளது. விநியோகஸ்தர்கள் வட்டாரத்தில் இந்த தகவல் தெரிவிக்கப்பட்டிருந்தாலும் தயாரிப்பு நிறுவனம் இதுகுறித்து இன்னும் அதிகாரப்பூர்வமாக அறிவிக்கவில்லை..

இதற்கு முன்னதாக மோகன்லால், திலீப் என முன்னணி ஹீரோக்களின் படங்கள் மட்டுமே 100 கோடி வசூல் என்கிற இலக்கை தொட்டு வந்த நிலையில் கடந்த வருடத்திலிருந்து அறிமுக இயக்குனர்கள், வளர்ந்து வரும் நடிகர்கள் நடிக்கும் படங்கள் கூட 50 கோடி, 100 கோடி வசூல் கிளப்பில் தங்களை இணைத்துக் கொண்டு மலையாள சினிமாவில் வியாபார எல்லையை விரிவுபடுத்தி வருவது ஆச்சரியமாக பார்க்கப்பட்டு வருகிறது.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  கார் விபத்தில் இளைஞர்கள் காயம் : நிற்காமல் சென்ற மலையாள நடிகர் கைதாகி ...
• 
  ஆக்சன் காட்சிகளை படமாக்க பிப்ரவரியில் ஜோர்டனுக்கு பறக்கும் டிராகன் குழு
• 
  வெங்கடேஷ் படத்தில் பஹத் பாசில்
• 
  வழக்கமான ராணுவ படம் அல்ல : மோகன்லால் 367வது பட இயக்குனர் தகவல்
• 
  நகைச்சுவை நடிகரை மேடை ஏற்றி மனம் விட்டு பாராட்டிய மம்முட்டி