இனி காமெடி படங்களை இயக்க போவதில்லை : பிரியதர்ஷன் அதிரடி முடிவு

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

07 ஏப், 2023 - 12:57 IST

எழுத்தின் அளவு:

மலையாள திரையுலகில் கிட்டத்தட்ட 40 வருடங்களாக தற்போதும் முன்னணி வரிசை இயக்குனராக பயணித்து வருபவர் இயக்குனர் பிரியதர்ஷன். 100க்கும் மேற்பட்ட படங்களை இயக்கியுள்ள பிரியதர்ஷினின் படங்கள் அனைத்துமே காமடியை பிரதானமாக கொண்டு உருவான படங்கள் தான். இன்னும் அவரது படங்களில் நடித்த காமெடி கதாபாத்திரங்கள் பல, ரசிகர்கள் மனதில் உயிர்ப்புடன் நடமாடி வருகின்றன. இந்த நிலையில் தற்போது கொரோனா பேப்பர்ஸ் என்கிற படத்தை இயக்கியுள்ளார் பிரியதர்ஷன். இந்த படம் நேற்று வெளியாகி உள்ளது. நீண்ட நாட்கள் கழித்து கிரைம் திரில்லர் பானியில் இந்த படத்தை உருவாக்கியுள்ளார் பிரியதர்ஷன்.

இது குறித்து அவர் கூறும்போது, “இனிவரும் காலங்களில் நான் காமெடி படங்களை இயக்கப் போவதில்லை என முடிவு செய்துள்ளேன். காரணம் முன்பு எனது படங்களில் பக்கபலமாக இருந்த நெடுமுடி வேணு, திலகன் இன்னொசென்ட், குதிரை வட்டம் பப்பு உள்ளிட்ட முக்கிய நடிகர்கள் இன்று என்னுடன் (உயிருடன்) இல்லை. இதனால் நான் கொஞ்சம் பாதுகாப்பு இல்லாதவன் போல தான் உணர்கிறேன். அதுமட்டுமல்ல இப்போதைய தலைமுறைக்கு இதுபோன்ற காமெடிகளை கடத்துவதில் சிரமம் இருக்கிறது. அதனால் தான் வெவ்வேறு ஜானர்களில் என்னுடைய படங்களை முயற்சித்துப் பார்க்கப் போகிறேன்” என்று கூறியுள்ளார் பிரியதர்ஷன்.

Priyadharsan

கருத்துகள் (0) கருத்தைப் பதிவு செய்ய

சுதீப்பின் அறிவிப்பு என்னை ...

சுதீப்பிற்கு புதிய பதவி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய