Dinamalar

பத்திரிக்கையாளர் சந்திப்பில் டேபிளில் கால்களை தூக்கி வைத்த விஜய் தேவரகொண்டா

தெலுங்கு திரையுலகின் இளம் முன்னணி ஹீரோவாக வலம்வரும் நடிகர் விஜய் தேவரகொண்டா நடிப்பில், கிட்டத்தட்ட இரண்டு வருட இடைவெளிக்கு பிறகு வெளியாகும் படம் லைகர். பிரபல இயக்குனர் பூரி ஜெகன்நாத் இயக்கியுள்ள இந்த படம் குத்துசசண்டையை மையப்படுத்தி உருவாகியுள்ளது. இந்தியில் உருவாகியுள்ள இந்த படம் தென்னிந்திய மொழிகளிலும் சேர்த்து வரும் ஆகஸ்ட் 25ஆம் தேதி இந்த படம் வெளியாக உள்ளது. பான் இந்தியா படமாக இது வெளியாக இருப்பதால் கடந்த இரண்டு வாரங்களாக மும்பை, சென்னை, சண்டிகர், ஐதராபாத், கேரளா என இந்த படத்தின் பிரமோஷன் நிகழ்ச்சிகளில் மாறிமாறி கலந்து கொண்டு வருகிறார் விஜய் தேவரகொண்டா.

இந்த நிலையில் ஐதராபாத்தில் நடைபெற்ற புரமோஷன் நிகழ்ச்சியில் கலந்து கொண்ட விஜய்தேவரகொண்டா பத்திரிக்கையாளர்கள் முன்பாக டேபிளில் கால்களை தூக்கி வைத்து நாற்காலியில் குத்தவைத்து அமர்ந்தபடி பேசியது சர்ச்சையை கிளப்பியுள்ளது.

நிருபர் ஒருவர் விஜய் தேவரகொண்டாவிடம் பேசும்போது, கடந்த சில வருடங்களுக்கு முன்பு அவர் நடித்த டாக்ஸிவாலா படம் ரிலீஸ் ஆன சமயத்தில் விஜய் தேவரகொண்டாவிடம் தன்னால் எப்படி சவுகரியமாக பேச முடியவில்லை என்பது பற்றி கூறினார். அதற்கு நகைச்சுவையாக பதில் அளிப்பதாக நினைத்துக்கொண்ட விஜய் தேவரகொண்டா, “ஏன் இப்படி சவுகரியமாக உட்கார்ந்து கொண்டு இப்போது பேசலாமே” என்று கூறியபடி தனது கால்களை அங்கிருந்த டீப்பாய் மீது தூக்கி வைத்துக்கொண்டு பதில் அளித்துள்ளார். விஜய் தேவரகொண்டாவின் இந்த செயல் பத்திரிக்கையாளர்கள் மத்தியில் கடும் எதிர்ப்பையும் நெட்டிசன்களிடம் மிகப்பெரிய விமர்சனங்களையும் பெற்று வருகிறது.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  விரும்பிய கல்லூரியில் சேர குத்துச்சண்டை பழகிய பிரேமலு ஹீரோ
• 
  புஷ்பா 2 சம்பவம் எதிரொலி ; ஆர்யா-2 ரீ ரிலீஸான தியேட்டர்களில் பலத்த போலீஸ் ...
• 
  என் கேள்விக்கு இன்னும் எம்புரான் தயாரிப்பாளர் பதில் சொல்லவில்லை ; ...
• 
  எம்புரான் படத்திற்கு எந்த அரசியல் அழுத்தமும் தரப்படவில்லை : சுரேஷ் கோபி
• 
  விவாகரத்து பெற்றுவிட்டேன் : வெளிப்படையாக அறிவித்த மம்முட்டி பட பெண் ...