Dinamalar

எம்ஜிஆர் பட கதை... ரஜினியின் டைட்டில் ; அசத்தும் நயன்தாரா பட இயக்குனர்

மலையாள திரையுலகில் பிரபல சீனியர் நடிகர் சீனிவாசனின் இளைய மகன் தயன் சீனிவாசன். இவர் இயக்குனர் வினித் சீனிவாசனின் தம்பியும் கூட. நடிகராக நடித்துக் கொண்டிருந்த இவர், கடந்த 3 வருடங்களுக்கு முன்பு நிவின்பாலி, நயன்தாரா நடித்த லவ் ஆக்சன் ட்ராமா என்கிற படத்தின் மூலம் இயக்குனராகவும் அறிமுகமானார். இந்த நிலையில் மீண்டும் நடிப்பை தொடர்ந்து வரும் தயன் சீனிவாசன், தற்போது ஜெயிலர் என்கிற படத்தில் கதாநாயகனாக நடித்துள்ளார்.

இந்த படத்தின் டைட்டில் போஸ்டர் தற்போது வெளியாகியுள்ளது. ரஜினிகாந்த் நடிப்பில் தமிழில் ஜெயிலர் என்கிற படம் உருவாக இருக்கிறது. என்றாலும் அதன் கதை என்ன என்பது இதுவரை யாருக்கும் தெரியாது. அதேசமயம் இந்த ஜெயிலர் படம் 1956 முதல் 1957 வரை ஒரு வருட காலகட்டத்தில் நடந்த உண்மைச் சம்பவத்தின் அடிப்படையில் உருவாகியுள்ளது.

இந்த படத்தில் ஜெயிலர் கதாபாத்திரத்தில் தயன் சீனிவாசன் நடித்துள்ளார். சிறையில் உள்ள 5 கைதிகளை தான் தங்கியிருக்கும் இடத்தில் வைத்து திருத்துவதற்கு முயற்சிக்கும் ஒரு வித்தியாசமான கதாபாத்திரமாக அது உருவாக்கப்பட்டுள்ளது. கடந்த பல வருடங்களுக்கு முன்பு தமிழில் பல்லாண்டு வாழ்க படத்தில் எம்ஜிஆர் நடித்த கதாபாத்திரம் போன்றது தான் இதுவும். அந்த வகையில் எம்ஜிஆர் படக்கதை, ரஜினி பட டைட்டில் என அசத்துகிறார் நடிகர் தயன் சீனிவாசன்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  நானி படத்தில் இணையும் பிரித்விராஜ்!
• 
  மீண்டும் ஒரு தெலுங்கு படத்தை ஒப்பந்தம் செய்த துல்கர் சல்மான்!
• 
  திரிஷ்யம் முதல் பாகத்தின் பார்முலாவில் உருவாகும் 3ம் பாகம் : ஜீத்து ஜோசப் ...
• 
  விவாகரத்துக்கு பிறகும் ஒற்றுமையாக வலம் வரும் பிரியதர்ஷன் லிசி தம்பதி
• 
  ரூ.50 கோடி வசூல் கிளப்பில் இணைந்த சர்வம் மாயா