Dinamalar

ஐந்து வருட இடைவெளிக்கு பிறகு வெளியாகும் ஷாஜி கைலாஷ் படம்

மலையாள திரையுலகில் கமர்சியல் இயக்குனராக வலம் வருபவர் இயக்குனர் ஷாஜி கைலாஷ். கடந்த 30 வருடங்களுக்கு மேலாக கிட்டத்தட்ட 50 படங்களுக்கு மேல் இயக்கியுள்ள இவர், மோகன்லால், மம்முட்டி, சுரேஷ்கோபி ஆகியோரின் படங்களை மாறிமாறி இயக்கியவர். குறிப்பாக சுரேஷ் கோபியின் ஆஸ்தான இயக்குனராக, அவரது திரையுலக வளர்ச்சியில் துணை நின்றவர்.

இந்த நிலையில் கடந்த சில வருடங்களுக்கு முன்பு தமிழ் சினிமாவில் நடிகர் ஆர்கே வை வைத்து அடுத்தடுத்து படங்களை இயக்கிய ஷாஜி கைலாஷ் அதன் பிறகு மலையாள திரையுலகம் பக்கம் செல்லவே இல்லை. 2017ல் ஆர்கே நடித்த வைகை எக்ஸ்பிரஸ் என்கிற படத்தை இயக்கிய பிறகு கிட்டத்தட்ட 5 வருடங்கள் கழித்து தற்போது தான் அவரது அடுத்த படம் ரிலீசாக இருக்கிறது.

தற்போது பிரித்விராஜ் நடிப்பில் ஷாஜி கைலாஷ் இயக்கியுள்ள கடுவா என்கிற திரைப்படம் வரும் ஜூன் 30ஆம் தேதி ரிலீஸாவதாக அதிகாரப்பூர்வமாக அறிவிக்கப்பட்டுள்ளது. இந்தப்படத்தில் கடுவாக்குன்னல் குஞ்சச்சன் என்கிற கதாபாத்திரத்தில் பிரித்விராஜ் நடித்துள்ளார். வில்லனாக பாலிவுட் நடிகர் விவேக் ஓபராய் நடித்துள்ளார். லூசிபர் படத்திற்கு பிறகு மீண்டும் விவேக் ஓபராய் நடிக்கும் மலையாள படம் இது என்பது குறிப்பிடத்தக்கது.

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...
• 
  என் மூளையில் இருந்து லோகா கதையை திருடி விட்டார்கள் : இயக்குனர் வினயன்
• 
  மம்முட்டி மோகன்லாலின் 'பேட்ரியாட்' டீசர் வெளியானது ; ரசிகர்களுக்கு ...