Dinamalar

கருத்து வேறுபாட்டால் பிரிந்த கதாசிரியரின் மகனை இயக்குனராக்கிய மம்முட்டி

மலையாளத்தில் மம்முட்டி நடிக்கும் அடுத்தடுத்த படங்கள் சீரான இடைவெளியில் ஒரு பக்கம் வெளியாகி கொண்டிருக்க இன்னொரு பக்கம் தொடர்ந்து புதிய படங்களின் படப்பிடிப்பில் கலந்துகொண்டு நடித்து வருகிறார் மம்முட்டி. அந்தவகையில் மம்முட்டி தற்போது திரில்லர் படம் ஒன்றில் நடிக்கிறார். இந்த படத்தை அறிமுக இயக்குனர் டினோ டென்னிஸ் என்பவர் இயக்குகிறார். இவர் பிரபல மலையாள கதாசிரியர் கலூர் டென்னிஸின் மகன் ஆவார்.

எண்பதுகளில் துவங்கி பிரபலமான கதாசிரியராக வலம் வந்த கலூர் டென்னிஸ், மம்முட்டி மோகன்லால், சுரேஷ்கோபி ஆகியோரின் பல படங்களுக்கு கதை எழுதியவர். குறிப்பாக தயாரிப்பாளர்களின் முடிவுகளில் ஹீரோக்களின் குறுக்கீடு இருக்கக்கூடாது என்பதில் பிடிவாதமாக இருப்பவர் கலூர் டென்னிஸ். அதனாலேயே மம்முட்டி நடித்த இருபத்தி நான்கு படங்களுக்கு கதை எழுதிய இவர் ஒரு கட்டத்தில், கருத்து வேறுபாடு காரணமாக 12 வருடங்கள் மம்முட்டியிடம் இருந்து ஒதுங்கியே இருந்தார்.

இந்தநிலையில் இந்த கருத்து வேறுபாடுகளை மனதில் வைத்துக்கொள்ளாத மம்முட்டி அவரது மகனை தனது படத்தின் மூலம் இயக்குனராக அறிமுகப்படுத்துவது ஆச்சரியமான ஒன்று. இதேபோல சில வருடங்களுக்கு முன்பு பிரபல கதாசிரியர் ரெஞ்சி பணிக்கரின் மகனான நிதின் ரெஞ்சி பணிக்கர் என்பவரையும் கசபா என்கிற படத்தின் மூலம் இயக்குனராக மம்முட்டி அறிமுகப்படுத்தினார் என்பது குறிப்பிடத்தக்கது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...
• 
  எம்புரான் விமர்சனம் : பிரித்விராஜ் கருத்து
• 
  தெலுங்கில் மகேஷ்பாபுவின் உறவினருக்கு ஜோடியாக அறிமுகமாகும் ரவீனா ...
• 
  எட்டு வருடத்திற்கு பிறகு மீண்டும் இணையும் துருவா சார்ஜா, ரச்சிதா ராம் ...