Dinamalar

மலையாளத்தில் இன்று ஒரே நாளில் 2 போலீஸ் படங்கள் ரிலீஸ்

கடந்த சில வாரங்களாக மோகன்லால், மம்முட்டி ஆகியோர் நடித்த படங்கள் எல்லாம் நேரடியாக ஓடிடி தளத்தில் ரிலீஸ் ஆகின. இதனால் ஓடிடி தளத்தில் வெளியிடலாமா என யோசித்து வந்து மீடியம் பட்ஜெட் பட தயாரிப்பாளர்கள் எல்லாம் தற்போது தைரியமாக தங்களது படங்களை தியேட்டர்களில் ரிலீஸ் செய்து வருகின்றனர்.. அந்தவகையில் இன்று(மே 27) மலையாளத்தில் வெளியாகும் நான்கு படங்களில் குட்டாவும் சிக்ஷையும் மற்றும் ஜான் லூதர் என இரண்டு படங்கள் அதிரடி போலீஸ் கதையாக உருவாகி உள்ளன.

இதில் குட்டாவும் சிக்ஷையும் படத்தை பிரபல ஒளிப்பதிவாளரும் கம்மட்டிப்பாடம் படத்தின் இயக்குனருமான ராஜீவ் ரவி இயக்கி உள்ளார். இளம் நடிகரான ஆசிப் அலி இதில் அதிரடி போலீஸ் அதிகாரியாக நடித்துள்ளார். தனது கதாபாத்திரத்திற்கு காக்க காக்க சூர்யாவின் நடிப்பை இன்ஸ்பிரேஷனாக எடுத்துக் கொண்டதாக அவர் கூறியுள்ளதால் இந்த படத்தின் மீதான எதிர்பார்ப்பு ரசிகர்களிடம் அதிகரித்துள்ளது.

அதேபோல ஜான் லூதர் என்கிற படத்தில் நடிகர் ஜெயசூர்யா போலீஸ் அதிகாரியாக நடித்துள்ளார். இதுவும் ஒரு அதிரடி போலீஸ் கதாபாத்திரம்தான். இந்த படம் ஒரு க்ரைம் த்ரில்லராக உருவாகி உள்ளது. அபிஜித் ஜோசப் என்பவர் இந்த படத்தை இயக்கியுள்ளார். ஏற்கனவே சில படங்களில் ஜெயசூர்யா போலீஸ் அதிகாரியாக நடித்திருந்தாலும் அவற்றிலிருந்து இந்தப் படமும் கதாபாத்திரமும் மாறுபட்டு இருக்கும் என இயக்குனர் கூறியுள்ளார். அந்த வகையில் இந்த இரண்டு போலீஸ் படங்களும் மிகுந்த எதிர்பார்ப்புடன் இன்று வெளியாகியுள்ளன.

• 
  மே 14ல் நெட்பிளிக்சில் வெளியாகும் 'துரந்தர்-2'
• 
  ‛கிருஷ்ணாவதாரம்' படத்திற்கு உ.பி.,யில் வரிவிலக்கு அளித்த முதல்வர் யோகி ...
• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை

• 
  ஸ்பெயின் கால்பந்தாட்ட மைதானத்தில் வெளியிடப்பட்ட டொவினோ தாமஸ், நஸ்ரியா ...
• 
  விஜய் தேவரகொண்டாவின் பிறந்த நாளில் வெளியான 'ரவுடி ஜனார்த்தனா' போஸ்டர்!
• 
  'திரிஷ்யம்-3' வெற்றி பெற்றால் 4, 5ம் பாகமும் உருவாகும்!- மோகன்லால் ...
• 
  'திரிஷ்யம் 2'வில் இடம்பெறாத கலாபவன் சாஜன் 'திரிஷ்யம் 3'ல் ரீ என்ட்ரி
• 
  பிரேமலு காமெடி நடிகருடன் மமிதா பைஜு ஜோடியாக நடிக்கும் புதிய படம் ...