Dinamalar

திறப்பு விழாவிற்கு வந்து ரிப்பனை வெட்டாமல் குனிந்து செல்ல முயன்ற நடிகர்

மலையாள திரையுலகில் பிரபல சீனியர் நடிகரான சீனிவாசனின் மகனும், இளம் இயக்குனரும், நடிகருமான வினீத் சீனிவாசனின் தம்பியுமான தியான் சீனிவாசன் தானும் ஒரு நடிகராக வலம் வருகிறார். அதுமட்டுமல்ல சில வருடங்களுக்கு முன்பு நயன்தாரா, நிவின்பாலி நடித்த லவ் ஆக்ஷன் டிராமா என்கிற வெற்றி படத்தையும் இயக்கியவர். தொடர்ந்து படங்களில் நகைச்சுவை மிக்க கதாபாத்திரங்களில் கதாநாயகனாக மற்றும் முக்கிய வேடங்களில் நடித்து வரும் இவர் நிஜத்திலும் தான் கலந்து கொள்ளும் நிகழ்ச்சிகளில் ஏதாவது நகைச்சுவை கலாட்டாக்கள் பண்ணக்கூடியவர்.

அப்படி சமீபத்தில் கொச்சியில் உள்ள ஒரு கடை திறப்பு விழா ஒன்றில் கலந்து கொண்டு கடையை திறந்து வைக்க அழைக்கப்பட்டிருந்தார் தியான் சீனிவாசன். இவர் ரிப்பன் வெட்டுவதை படம் எடுப்பதற்காக அங்கே நுழைவாயிலில் கட்டப்பட்டிருந்த ரிப்பனுக்கு அடியில் குனிந்தபடி சில போட்டோகிராபர்கள் முன்கூட்டி உள்ளே நுழைந்தனர்.

அவர்கள் நுழைவதை பார்த்து இவரும் ரிப்பனுக்கு அடியில் குனிந்து செல்ல முயற்சித்தார். உடனே அருகில் இருந்த நபர் அவரை தடுத்து நிறுத்தி, சார் நீங்கள் தான் ரிப்பனை வெட்ட வேண்டும். நீங்கள் எங்கே குனிந்து செல்கிறீர்கள் ? என்று கேட்க, ஓ அப்படியா என்று சிரித்தபடி அதன் பிறகு ரிப்பனை வெட்டினார் சீனிவாசன். இது குறித்த வீடியோ ஒன்று தற்போது சோசியல் மீடியாவில் வைரலாகி உள்ளது.

• 
  முருகதாஸ், சல்மானின் ‛சிக்கந்தர்' பட டீசர் வெளியானது
• 
  கரண் ஜோஹர் தயாரிப்பில் படம் இயக்கும் மார்கோ இயக்குனர்
• 
  மனைவியுடன் விவாகரத்தா... : நடிகர் கோவிந்தா தரப்பு என்ன சொல்கிறார்கள்
• 
  கும்பமேளாவில் குடும்பத்துடன் நீராடிய ப்ரீத்தி ஜிந்தா
• 
  வைர ஆடையுடன் பிறந்தநாள் கொண்டாடிய ஊர்வசி ரத்தேலா

• 
  லூசிபர் எழுப்பிய கேள்விகளுக்கு எம்புரான் விடை சொல்லும் : பிரித்விராஜ்
• 
  எம்புரான் ரிலீஸை தடுக்க தயாரிப்பாளர் சங்கம் முயற்சி : எதிர்ப்புக்கு ...
• 
  தெலுங்கு நடிகர் போசனி கிருஷ்ண முரளி திடீர் கைது
• 
  தந்தை இறந்த சோகத்திலும் எனக்கு உதவினார் பிரபாஸ் ; கண்ணப்பா கதாசிரியர் ...
• 
  எம்புரான் படம் மூலம் மலையாளத்தில் நுழைந்த விஜய் பட வில்லன்