Dinamalar

எம்புரான் படம் மூலம் மலையாளத்தில் நுழைந்த விஜய் பட வில்லன்

மலையாளத்தில் நடிகர் பிரித்விராஜ் இயக்கத்தில் மோகன்லால் நடிப்பில் கடந்த ஐந்து வருடங்களுக்கு முன்பு வெளியாகி சூப்பர் ஹிட் ஆன படம் லூசிபர். இந்த படத்தின் மிகப்பெரிய வெற்றியைத் தொடர்ந்து தற்போது அதன் இரண்டாம் பாகம் இதே கூட்டணியில் எம்புரான் என்கிற பெயரில் உருவாகியுள்ளது. வரும் மார்ச் 27ஆம் தேதி இந்த படம் ரிலீஸ் ஆக இருக்கிறது. இந்த படத்தில் சிறிதும் பெரிதுமாக முக்கியத்துவம் வாய்ந்த 40க்கும் மேற்பட்ட கதாபாத்திரங்கள் நடித்துள்ளனர். மோகன்லாலும் பிரித்விராஜும் கடந்த சில நாட்களாக அதில் ஒவ்வொரு கதாபாத்திரமாக சோசியல் மீடியா மூலம் அறிமுகப்படுத்தி வருகின்றனர்.

அந்த வகையில் பாலிவுட் நடிகர் அபிமன்யு சிங் இந்த படத்தில் முக்கிய கதாபாத்திரத்தில் நடித்துள்ளதன் மூலம் முதன்முறையாக மலையாள திரை உலகில் நுழைந்துள்ளார். இவர் ஏற்கனவே தமிழில் வேலாயுதம், தலைவா மற்றும் தீரன் அதிகாரம் ஒன்று உள்ளிட்ட படங்களில் வில்லனாக நடித்தவர் தான். இந்த படத்தில் இவர் நடிக்கும் பால்ராஜ் என்கிற கதாபாத்திர போஸ்டரை இன்று மோகன்லால் தனது சோசியல் மீடியா பக்கத்தில் வெளியிட்டுள்ளார்.

இந்த படத்தில் நடித்த அனுபவம் குறித்து அபிமன்யு சிங் கூறுகையில், “என்னுடைய கதாபாத்திரம் நிச்சயமாக வித்தியாசமான ஒன்று. அது சுவாரசியமாகவும் உருவாக்கப்பட்டுள்ளது. கதையின் போக்கில் இந்த கதாபாத்திரத்திற்கான மாற்றமும் உங்களை ஆச்சரியப்படுத்தும். ஒரு நடிகராக மட்டுமல்லாமல் இயக்குனராகவும் பிரித்விராஜ் இந்த படத்தை இயக்கியிருப்பதால் என்னைப் போன்ற நடிகர்களுக்கான வேலை ரொம்பவே எளிதாகி விட்டது” என்று கூறியுள்ளார்.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  கேரள அரசு சினிமா ஸ்டுடியோ திறப்பு விழாவை புறக்கணித்த மலையாள திரைப்பட ...
• 
  துபாயில் சிக்கி தவிக்கும் அண்ணன்; ஹைதராபாத்தில் 3வது திருமண விழா நிகழ்வை ...
• 
  திலீப் படத்தை இயக்குகிறேனா? 'மஞ்சும்மேல் பாய்ஸ்' இயக்குனர் மறுப்பு
• 
  கஞ்சா பயன்படுத்தியதாக மலையாள நடிகரின் மகன் கைது ; தந்தையின் நம்பிக்கையை ...
• 
  கேரள அரசு பஸ் புரமோஷனுக்காக 100வது படத்திற்கு முன்பே மோகன்லாலை இயக்கிய ...