Dinamalar

பைவ் ஸ்டார் பேமிலியை விரும்பாத போனி கபூர் மகள்

மறைந்த நடிகை ஸ்ரீதேவியின் கணவரும், தற்போது அஜித்தின் படங்களை தொடர்ந்து தயாரித்து வருபவருமான பாலிவுட் தயாரிப்பாளர் போனி கபூர். தனது வாரிசுகளான ஜான்வி கபூர், அர்ஜுன் கபூர் ஆகியோரை அவர்களது விருப்பப்படியே நடிகர்களாக களமிறக்கி உள்ளார். இதைத் தொடர்ந்து அவரது இன்னொரு மகனான குஷி கபூரும் விரைவில் நடிப்பில் காலடி எடுத்து வைக்க இருக்கிறார். அதேசமயம் அவரது இன்னொரு மகளான அன்சுலா கபூர் நடிப்பில் நாட்டமில்லாமல் தொழிலதிபராக தனது பாதையை மாற்றிக் கொண்டு விட்டார்.

ஆனால் சில மாதங்களுக்கு முன்பு போனிகபூர் ஒரு பேட்டியில் கூறும்போது அன்சுலா கபூரும் நடிகையாக மாறிவிட்டால் பைவ்ஸ்டார் பேமிலி என்கிற பெயர் எங்கள் குடும்பத்திற்கு கிடைத்துவிடும் என தனது விருப்பத்தை கூறினார்.

இந்த செய்தி மீடியாவில் பரபரப்பாகவே அவரது மகளோ போனி கபூரிடம் தனக்கு நடிப்பில் விருப்பமில்லை என்பதை தெளிவுபடுத்தியுள்ளார். இதைத்தொடர்ந்து அடுத்த பேட்டிகளில் போனி கபூர் தனது மகள் அன்சுலா கபூர் பற்றி பேசும்போது, “நான் என் விருப்பத்தை தான் ஜாலியாக கூறினேனே தவிர, என் மகள் தற்போது அவள் விரும்பும் தொழிலில் கவனம் செலுத்தி வருகிறார்” என்று கூறியுள்ளார்.

• 
  'வாழ' இயக்குனரின் இயக்கத்தில் மஞ்சு வாரியர் நடிக்கும் 'ஹேப்பி லூப்'
• 
  காஞ்சனா 4 படத்தின் அதிரடி போஸ்டர் வெளியானது
• 
  மீண்டும் தெலுங்கு படத்தில் யோகி பாபு
• 
  ராமாயணா படத்தில் சாய் பல்லவியின் சம்பளம் எவ்வளவு?
• 
  மே 18ல் ராம்சரணின் 'பெத்தி' டிரைலர் வெளியீடு

• 
  ‛கிருஷ்ணாவதாரம்' படத்திற்கு உ.பி.,யில் வரிவிலக்கு அளித்த முதல்வர் யோகி ...
• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை
• 
  ராகினி எம்எம்எஸ் 3 திரில்லர் படத்தில் இணைந்த தமன்னா