Dinamalar

கடைசி கட்டப் படப்பிடிப்பில் 'காத்து வாக்குல ரெண்டு காதல்'

'தானா சேர்ந்த கூட்டம்' படத்திற்குப் பிறகு மூன்று வருடங்கள் கழித்து விக்னேஷ் சிவன் இயக்கி வரும் படம் 'காத்து வாக்குல ரெண்டு காதல்'. விஜய் சேதுபதி, நயன்தாரா, சமந்தா மற்றும் பலர் நடிக்கும் இப்படத்தின் கடைசி கட்டப் படப்பிடிப்பு தற்போது புதுச்சேரியில் ஆரம்பமாகியுள்ளது. அங்கு 15 நாட்கள் வரை படப்பிடிப்பு நடைபெறும் எனத் தெரிகிறது. அத்துடன் படப்பிடிப்பு நிறைவடைவதாகத் தகவல்.

'நானும் ரௌடிதான்' படத்திற்குப் பிறகு மீண்டும் விஜய் சேதுபதி, நயன்தாரா ஜோடி சேர்ந்துள்ள இப்படத்தில் சமந்தாவும் மற்றொரு கதாநாயகியாக நடிக்கிறார். சமீபத்தில் 'சாகுந்தலம்' தெலுங்குப் படத்தில் நடித்து முடித்த சமந்தா, புதுச்சேரிக்கு இப்படத்தின் படப்பிடிப்புக்காக வந்துள்ளார்.

கடந்த வருடக் கடைசியில் சென்னை, ஐதராபாத் ஆகிய இடங்களில் படப்பிடிப்பு நடைபெற்றது. அடுத்து இரண்டாம் கட்டப் படப்பிடிப்பு பிப்ரவரி மாதம் நடைபெற்று முடிந்தது. கடந்த ஆறு மாதங்களாக கொரோனா இரண்டாவது அலை காரணமாக படப்பிடிப்பு நடக்கவில்லை. இப்போது கடைசி கட்டப் படப்பிடிப்பை ஆரம்பித்துள்ளார்கள்.

அனிருத் இசையமைக்கும் இப்படத்தின் முதல் சிங்கிள் பாடலான 'ரெண்டு காதல்' காதலர் தினத்தை முன்னிட்டு வெளியிடப்பட்டது. 17 மில்லியன் பார்வைகளை அந்தப் பாடல் யு டியூபில் கடந்துள்ளது. படப்பிடிப்பு முடிந்ததும் அடுத்த அப்டேட்களைத் தர உள்ளார்களாம்.

• 
  100 கோடி கொடுத்தாலும் அந்த கதாபாத்திரத்தில் மட்டும் நடிக்க மாட்டேன் : விஜய் ...
• 
  ‛பேபி ஜான்' படம் ‛தெறி' படத்தின் முழுமையான ரீமேக் அல்ல : இயக்குனர் அட்லி
• 
  லைப் ஆர்ட் கும்பமேளா 2025-ஐ அறிவித்த உதித் நாராயண், ஹாலிவுட் தயாரிப்பாளர் ...
• 
  தெலுங்கு இயக்குனருடன் இணையும் அமீர்கான்
• 
  ஹிந்தியில் மேலும் ஒரு சாதனை படைத்த 'புஷ்பா 2'

• 
  ராஜமவுலி, மகேஷ் பாபு படத்தில் இணையும் பிரியங்கா சோப்ரா
• 
  பாலிவுட்டில் கால் பதிக்கும் அமரன் பட இயக்குனர்
• 
  சார்பட்டா பரம்பரை 2 அப்டேட் தந்த ஆர்யா
• 
  விடாமுயற்சி படத்தில் விஜய் டிவி பிரபலம்
• 
  2024ம் ஆண்டின் கடைசி படப்பிடிப்பு- பூஜாஹெக்டே வெளியிட்ட பதிவு