Dinamalar

சென்னை சர்வதேச திரைப்பட விழா நிறைவு: சிறந்த படமாக 'அயோத்தி' தேர்வு

சென்னையில் இயங்கி வரும் இண்டோ சினி அப்ரிசேஷன் அமைப்பு, தமிழக அரசுடன் இணைந்து ஆண்டுதோறும் சர்வதேச திரைப்பட விழாவை நடத்தி வருகிறது. அந்த வகையில் 21வது சென்னை சர்வதேச திரைப்பட விழா கடந்த 14ம் தேதி தொடங்கியது. இதில் மொத்தம் 57 நாடுகளை சேர்ந்த 126 படங்கள் திரையிடப்பட்டன. நேற்றுடன் இந்த விழா நிறைவு பெற்றது.

இந்த விழாவில் போட்டி பிரிவில் 12 தமிழ் படங்கள் போட்டியிட்டன. இதில் சிறந்த படமாக சசிகுமார் நடித்த 'அயோத்தி' படம் தேர்வு பெற்றது. அதன் தயாரிப்பாளர், இயக்குனருக்கு தலா ஒரு லட்சம் பரிசு வழங்கப்பட்டது. இரண்டாவது சிறந்த படமாக 'உடன்பால்' படம் தேர்வானது. அதன் தயாரிப்பாளர், இயக்குனருக்கு தலா 50 ஆயிரம் பரிசு வழங்கப்பட்டது.

'மாமன்னன்' படத்தில் சிறப்பாக நடித்ததற்காக வடிவேலுவுக்கு சிறந்த நடிகருக்கான விருது வழங்கப்பட்டது. அயோத்தி படத்தில் நடித்த ப்ரீத்தி அஸ்ரானிக்கு சிறந்த நடிகைக்கான விருது வழங்கப்பட்டது. 'விடுதலை' படம் சிறந்த படத்திற்கான ஜூரி விருது பெற்றது.

போர்தொழில் பட ஒளிப்பதிவாளர் கலைச்செல்வன் சிவாஜி சிறந்த ஒளிப்பதிவாளராகவும், ஸ்ரீஜித் சாரங் சிறந்த எடிட்டராகவும், மாமன்னன் படத்தில் பணியாற்றிய சுரேன் சிறந்த ஒலிப்பதிவாளராகவும் தேர்வானார்கள். சிறந்த குறும்படமாக பகவத் இயக்கிய 'லாஸ்ட் ஹார்ட்' படம் தேர்வு செய்யப்பட்டது. நேற்று நடந்த நிறைவு விழாவில் இந்த விருதுகளும், பரிசுகளும் வழங்கப்பட்டது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்